Fylkir býður uppá fjölbreytta vetrardagskrá fyrir veturinn 2021/2022.
Hér á heimasíðunni finnur þú upplýsingar um æfingatíma og fleira. Skráning í stafið fer fram í gegnum Sportabler
Fylkisgrímurnar eru komnar á frábært tilboð þessa vikuna og hvetjum við allt Fylkisfólk til að tryggja sér grímu sem fyrst. Grímurnar eru til í barna og fullorðinsstærðum og fást þær í afgreiðslu Fylkishallar.
Breyttir opnunartímar eru svo þessa vikuna en afgreiðslan er opin frá 12.00 – 16.00. Ef þið hafið spurningar er hægt að hafa samband í síma eða senda okkur skilaboð hér á Facebook
Íþróttafélagið Fylkir er 54 ára í dag 28.maí 2021 en félagið var stofnað árið 1967. Fylkir ber aldurinn mjög vel og er í mjög góðu formi eins og góðu íþróttafólki sæmir. Í dag eru í kringum 1500 iðkendur sem iðka sína íþrótt hjá okkur í sex íþróttagreinum og svo mun sú sjöunda bætast við í sumar en það er körfubolti en hann er að fara af stað aftur eftir nokkurra ára hlé. Nú er sumarið komið og það styttist í sumarstarf félagsins sem hefur sjaldan verið eins fjölbreytt og skemmtilegt. Allar frekari upplýsingar um það má nálgast á heimasíðu félagsins. Það hefur alltaf verið mikill áhugi og samstaða með félaginu innan okkar hverfis og upplifum við okkur oft sem þorp úti á landi. Það hefur sýnt sig að margir gamlir íbúar árbæjarhverfis halda tryggð við félagið þó að viðkomandi búi þar ekki lengur og eru alltaf tilbúin að leggja okkur lið ef þess þarf og fyrir það erum við ævinlega þakklát. Það gerist ekki af sjálfum sér að félag eins og okkar sé jafn stórt og öflugt og raun ber vitni. Þeir frumkvöðlar sem fóru af stað fyrir rúmum fimmtíu árum og stofnuðu félagið eiga stærstan þátt í þessari sögu og svo allir þeir sjálfboðaliðar sem komið hafa að starfinu á síðustu árum. Viljum við nota tækifærið og þakka öllum þeim kærlega fyrir þeirra framlag. Að lokum óskum við öllu Fylkisfólki nær og fjær til hamingju með daginn og hlökkum til næstu ára með ykkur. Áfram Fylkir !!
Aðalfundur félagsins og deilda þess var haldinn fimmtudaginn 20.maí. Meðal dagskráliða voru skýrslur stjórna, reikningar félagsins voru kynntir og svo var kosin stjórn félagsins ásamt kosningu á stjórnum deilda. Það er mikið fagnaðarefni að stjórn körfuknattleiksdeildar var endurvakin eftir nokkurra ára hlé og mun deildin hefja barna og unglingastarf í ákveðnum flokkum núna í haust. Hér fyrir neðan má sjá nöfn þeirra sem voru kosnir í stjórn.
Blakdeild
Jóhanna Jakobsdóttir
Kristbjörg Sveinbjörsdóttir
Gunnþór Matthíasson
Guðmundur Jónsson
Pálmi Sigurðsson
Ragnheiður Sjöfn Reynisdóttir
Sólveig Sól Einarsdóttir
Gunnar Gunnarsson
Fimleikadeild
Íris Reynisdóttir
Guðlaugur Karlsson
Guðrún Ósk Jakobsdóttir
Rebekka Ósk Heiðarsdóttir
Istvan Olah
Handknattleiksdeild
Lára Sigríður Lýðsdóttir
Hrönn Vilhjálmsdóttir
Hörður Harðarson
Emilía Tómasdóttir
Jóna Kolbrún Sigurjónsdóttir
Sigurður Magnússon
Halla Rós Eiríksdóttir
Sigurgeir Andrésson
Silja Kristjánsdóttir
Íris Jónasdóttir
Karatedeild
Pétur Ragnarsson
Arnar Jónsson
Katrín Ingunn Björnsdóttir
Elías Guðni Guðnason
Knattspyrnudeild
Kjartan Daníelsson
Arnar Þór Jónsson
Stefanía Guðjónsdóttir
Júlíus Örn Ásbjörnsson
Ragnar Páll Bjarnason
Rafíþróttadeild
Aron Ólafsson
Þórmundur Sigurbjarnarson
Stefán Atli
Axel Gíslason
Bjarni Snær Bjarnason
Eiríkur Jóhansson
Körfuknattleiksdeild
Bjarni Þórðarson
Elvar Örn Þórisson
Ásta Katrín Hannesdóttir
Arinbjörn Hauksson
Aðalstjórn Fylkis
Björn Gíslason, formaður
Helga Birna Ingimundardóttir
Atli Atlason
Kristinn Eiríksson
Jón Birgir Eiríksson
Hulda Birna Baldursdóttir
Sigurbjörg Guðnadóttir
Aðalfundur félagsins verður fimmtudaginn 20.maí í Fylkishöll kl. 19:30. Vegna samkomutakmarkana þá þurfa þau sem áhuga hafa á að sitja fundinn að senda tölvupóst með nafni, kennitölu og símanúmeri á hordur@fylkir.is fyrir kl. 12:00 fimmtudaginn 20.maí.
Dagskrá fundarins verður með hefðbundnu sniði.
Fylkir mun í sumar bjóða upp á fjölbreytt sumarnámskeið í samstafi við deildir félagsins. Skráningarhlekkur á námskeiðin eru hér neðst í fréttinni.
Knattspyrnuskóli
Knattspyrnuskólinn er fyrir börn á aldrinum 6 – 10 ára og hefur verið starfræktur í fjölmörg ár og er alltaf vel sóttur. Skólastjóri verður Kristján Gylfi Guðmundsson og honum til aðstoðar þjálfarar knattspyrnudeildar.
Gott er að hafa í huga að námskeiðið fer allt fram utandyra og því mikilvægt að taka með sér útifatnað til knattspyrnuiðkunar, klæða sig eftir veðri og koma með nesti (nestistími um kl. 10.30). Grill er svo á föstudögum í lok hvers námskeiðs.
Tækniskóli
Tækniskólinn er fyrir ungmenni á aldrinum 11 – 14 ára (2007 – 2010) sem vilja bæta sig enn frekar í knattspyrnu. Markmiðið með námskeiðinu er að iðkendur bæti enn frekar tæknilega færni og skilning á leiknum. Námskeiðin verða með vikuleg þemu sem eru auglýst síðar. Gott er að hafa í huga að námskeiðið fer allt fram utandyra og því mikilvægt að koma í útifatnaði til knattspyrnuiðkunar og klædd eftir veðri. Grill er svo á föstudögum í lok hvers námskeiðs.
Leikja- og fimleikanámskeið
Námskeið fyrir börn fædd 2010 – 2015. Mikilvægt er að taka með sér þægilegan innifatnað en farið verður út í leiki ef vel viðrar. Einnig þarf að taka morgunnesti og hádegisnesti, gott að hafa vatnsbrúsa með. Pizzuveisla og Ólympíuleikar í hádeginu á föstudögum.
Boltaskóli
Boltaskóli er fyrir börn fædd 2009 – 2015. Farið verður í fjölbreytta boltaleiki og greinar sem félagið býður upp á kynntar. Boltaskólinn er frábært framhald af öðrum námskeiðum á vegum félagsins. Börn sem eru skráð á knattspyrnuæfingar á meðan námskeiði stendur verða send á þær. Skólastjóri er Viktor Lekve, handboltaþjálfari hjá félaginu og honum til aðstoðar verða iðkendur úr félaginu. Boltaskólinn fer aðalega fram innandyra og því mikilvægt að taka með sér viðeigandi innanhúsfatnað sem hugsaður er til íþróttaiðkunnar, ef viðrar vel verður farið út. Í lok hvers námskeiðs er svo grillveisla.
–Skráning í boltaskólann fer fram undir liðnum “Handbolti“ á hlekknum hér neðst í fréttinni.
Boltaskóli er fyrir börn fædd 2009 – 2015. Farið verður í fjölbreytta boltaleiki og greinar sem félagið býður upp á kynntar. Boltaskólinn er frábært framhald af öðrum námskeiðum á vegum félagsins. Börn sem eru skráð á knattspyrnuæfingar á meðan námskeiði stendur verða send á þær. Skólastjóri er Viktor Lekve, handboltaþjálfari hjá félaginu og honum til aðstoðar verða iðkendur úr félaginu. Boltaskólinn fer aðalega fram innandyra og því mikilvægt að taka með sér viðeigandi innanhúsfatnað sem hugsaður er til íþróttaiðkunnar, ef viðrar vel verður farið út. Í lok hvers námskeiðs er svo grillveisla.
–Skráning í boltaskólann fer fram undir liðnum “Handbolti“ á hlekknum hér neðst í fréttinni.
Parkour námskeið
Parkour námskeið þar sem kennt verður allt það helsta í Parkour. Mæta þarf í þæginlegum fatnaði og með vatsbrúsa.
Parkour námskeið þar sem kennt verður allt það helsta í Parkour. Mæta þarf í þæginlegum fatnaði og með vatsbrúsa.
Rafíþróttanámskeið
Á námskeiðum rafíþróttadeildar Fylkis spilum við saman tölvuleiki en ásamt því er sprellað og stunduð líkamleg hreyfing. Farið verður yfir mikilvæg undirstöðuatriði rafíþróttaiðkunar sem ýta undir jákvæða og heilbrigða tölvuleikjaspilun. Mæting í íþróttafatnaði með holt nesti og vatnsbrúsa!
Körfuboltanámskeið
3 námskeið fyrir krakka 9 – 12 ára yfir sumartímann. Kennt verður í Fylkishöll frá 9 – 12 alla virka daga. Leiðbeinandi er Bjarni Þórðarson. Hægt verður að velja önnur námskeið með eftir hádegi og er þá veittur afsláttur af þeim.
Námskeiðin eru kennd vikurnar: 21. – 25. júní, 9. – 13. ágúst & 16. – 20. ágúst.
Skráning á öll námskeið fer fram í gegnum Sportabler
Æfingar af stað að nýju fimmtudaginn 15. apríl
Æfinga- og keppnisbann í íþróttum hér á landi verður afnumið á morgun fimmtudaginn 15.apríl og munu æfingar hefjast að nýju samkvæmt æfingatöflum hjá öllum yngri flokkum.
Áfram munum við fylgja sóttvörnum og biðjum við iðkendur. forráðamenn og aðstandendur að virða og framfylgja þeim.
FYLKIR ÁRBÆJARINS BESTA
Vegna hópsýkinga og fjölgunar á Covid-19 smitum í samfélaginu þá hafa stjórnvöld gripið til hertra sóttvarnaaðgerða og eru Íþróttir barna og fullorðinna, þar með taldar æfingar og keppni innan- eða utandyra óheimilar. Allir æfingar og keppni falla því niður frá og með deginum í dag í þrjár vikur.
Hópsýkingarnar eru allar af völdum breska afbrigðis kórónaveirunnar sem er mun meira smitandi en flest önnur afbrigði og veldur frekar alvarlegum veikindum. Sóttvarnalæknir leggur áherslu á að hertar aðgerðir taki nú til barna allt frá grunnskólaaldri þar sem sýnt þykir að breska afbrigðið veldur meiri einkennum hjá eldri börnum en önnur afbrigði veirunnar.
Heilbrigðisráðuneytið hefur birt nýja reglugerð um takmörkun á samkomum vegna farsóttar, sem mun gilda í þrjár vikur eða til 15. apríl.
Þjálfarar félagsins verða í sambandi við sína iðkendur með planið næstu þrjár vikur.
Nú er mikilvægt að við öll förum eftir tilmælum sóttvarnaryfirvalda og pössum sérstaklega upp á persónubundnar sóttvarnir. Við bindum vonir við að ef við stöndum öll saman þá komumst við fljótt í gegnum þetta og getum þá farið að æfa aftur sem fyrst.
Fylkir og Hringrás í samstarf.
Á föstudag skrifaði Knattspyrnudeild Fylkis undir samstarfssamning við Hringrás ehf og HP gáma. Samningurinn er til tveggja ára og verður Hringrás einn af aðalsamstarfaðilum deildarinnar. Það er mikilvægt fyrir Fylki að tengja sig metnaðarfullum fyrirtækjum og fögnum við vel þessu samstarfi.
Hér neðar sjáum við meira um Hringrás og HP gáma:
Hringrás:
Athafnasvæði Hringrásar er að Klettagörðum 9 í Reykjavík, á Akureyri og Reyðarfirði. Á öllum þessum stöðum er tekið við bílum til förgunar, brotajárni, málmum og spilliefnum. Félagið er einnig með aðstöðu til móttöku víðs vegar um landið. Færanlegar endurvinnslustöðvar Hringrásar gegna lykilhlutverki í þjónustu við bæjarfélög á landsbyggðinni en þannig getur fyrirtækið leyst á hagkvæman hátt margvísleg almenn verkefni á vegum minni bæjarfélaga auk sérstakra niðurrifsverkefna sem upp kunna að koma.
Þegar um er að ræða niðurrifsverkefni eða efni sem þarf að farga er hægt að leita tilboða í verkið hjá Hringrás. Einnig er algengt að fyrirtæki og bæjarfélög geri langtímasamning við Hringrás sem þá sér um að úrgangur safnist ekki upp hjá viðkomandi viðskiptavini. Ef um góð endurseljanleg efni er að ræða getur slík þjónusta gefið nokkrar tekjur af sér fyrir verkkaupa.
HP Gámar:
Starfsstöðvar HP gáma eru í Grindavík, Reykjavík, Akureyri og á Reyðarfirði.
HP gámar er fjölskyldufyrirtæki og hefur þjónustað viðskiptavini sína í 20 ár.
Móðurfélagið Hópsnes var stofnað árið 1965 og rekur einnig HP Flutninga og Hringrás.
HP gámar sinna daglegri sorphirðu hjá fyrirtækjum á höfuðborgarsvæðinu og á Suðurnesjum.
Gámaþjónusta HP gáma nær yfir allt land þar sem við sérhæfum okkur í sorphirðu á hvaða máta sem er.
Það er von okkar hjá Fylki að þetta sé bara byrjunin á löngu samstarfi við þessi fyrirtæki og viljum við endilega biðja Fylkisfólk að kynna sér þjónustu þeirra.
FYLKIR ÁRBÆJARINS BESTA
