Aðalfundurinn fór fram á afmælisdegi félagsins 28.maí síðastliðinn en það eru 59 ár liðin frá því félagið var stofnað.  Dagskráin var hefðbundin nema það var boðið upp á veitingar í tilefni dagsins.

Björn Gíslason var endurkjörinn formaður félagsins næsta árið en ný aðalstjórn er skipuð þeim Atla Atlasyni, Guðnýju Erlu Jakobsdóttur, Jóni Birgi Eiríkssyni og Kristni Eiríkssyni sem voru einnig í fráfarandi stjórn.  Ný inn í stjórn komu svo Anna Linda Magnúsdóttir og Davíð Gunnarsson.   Hulda Birna Baldursdóttir og Erna Bryndís Einarsdóttir gáfu ekki kost á sér áfram og er þeim færðar bestu þakkir fyrir gott starf í þágu félagsins.

Stjórnir deilda félagsins eru svo skipaðar með þessum hætti
Blakdeild Fylkis
Emelía Eiríksdóttir formaður
Brynja Ísey Viktorsdóttir
Guðmundur Jónsson
Gunnar Gunnarsson
Margrét Brandsdóttir
Ólöf Björg Þórðardóttir

Fimleikadeild Fylkis
Guðrún Ósk Jakobsdóttir formaður
Guðný Erla Jakobsdóttir
István Oláh
Judith Traustadóttir
Rebekka Ósk Heiðarsdóttir

Handknattleiksdeild Fylkis
Guðrún Inga Sívertsen formaður
Anton Ellertsson
Hrönn Vilhjálmsdóttir

Karatedeild Fylkis
Ólöf Helgadóttir – Formaður
Björn Arnar Kárason
Iveta Ivanova
Ísold Klara
Ólafur Engilbert Árnason

Knattspyrnudeild Fylkis
Ragnar Páll Bjarnason formaður
Davíð Gunnarsson
Edda Sif Sigurðardóttir
Haraldur Úlfarsson
Hjördís Jóhannesdóttir

Körfuknattleiksdeild Fylkis
Margrét Ingunn Jónasdóttir formaður
Helgi Hrafn Ólafsson
Rakel Þorsteinsdóttir

Rafíþróttadeild Fylkis
Anton Snær Guðjónsson formaður
Ágúst Bjarki Davíðsson
Aron Ólafsson
Patrekur Gunnlaugsson

Ný aðalstjórn

Frá vinstri Kristinn Eiríksson, Atli Atlason, Anna Linda Magnúsdóttir, Björn Gíslason, Guðný Erla Jakobsdóttir og Davíð Gunnarsson.  Á myndina vantar Jón Birgi Eiríksson.

Frá vinstri: Björn Gíslason formaður Fylkis, Heiða Björg Hilmisdóttir borgarstjóri Reykjavíkur, Pétur Freyr Pétursson framkvæmdastjóri Íþöku fasteigna & Pétur Guðmundsson

Reykjavíkurborg og Íþaka fasteignafélag skrifuðu í dag undir nýjan samning um Fylkisselið í Norðlingaholti. Fylkisselið hýsir í dag aðstöðu fimleikadeildar, karatedeildar og rafíþróttadeildar Fylkis.

Samningurinn kveður meðal annars á um stækkun hússins, sem mun bæta aðstöðu iðkenda, þjálfara og starfsfólks til muna. Þá verður aðstaða fyrir áhorfendur einnig verulega bætt, en hún er í dag takmörkuð.

Um er að ræða mikil gleðitíðindi fyrir starfsemina í Fylkisselinu. Auk fyrrnefndra íþróttadeilda fer þar fram starf Betri Borgara Fylkis, þar sem yfir 200 manns á besta aldri koma saman þrisvar í viku til líkamsræktar.

Framkvæmdir við stækkunina hefjast í sumar og er áætlað að þeim ljúki í lok árs 2027.

Hið árlega jólakaffi Fylkis var haldið föstudaginn 19. desember þar sem Íþróttafólk, sjálfboðaliðar, félagsfólk og starfsmenn komu saman og fögnuðu árinu 2025 sem nú er að líða. Vel var mætt á viðburðinn þar sem veitt voru viðurkenningar til Íþróttafólks sem leika undir merkjum félagsins sem þóttu standa framúr á árinu ásamt því voru veitt heiðursverðlaun til félagsfólk og sjálfboðaliða sem hafa lagt gríðarlega vinnu sína fyrir félagið.

Það voru þau Ásgeir Eyþórsson og Signý Lára Bjarnadóttir sem voru útnefnd íþróttakarl og Íþróttakona Fylkis árið 2025 en bæði koma þau frá Knattspyrnudeild Fylkis og spila með meistaraflokkum félagsins. Auk þeirra voru

Saker Nasser frá karatedeild Fylkis en eljusemi hans hefur skilað sér í miklum framförum, en á síðastliðnu ári hefur hann skipað sér sess sem fastamaður í íslenska landsliðinu og tók í ár þátt á Norðurlandameistaramótinu fyrir hönd Íslands.

Þórarinn Gunnar Óskarsson hefur verið lykilleikmaður meistaraflokks karla í körfubolta og verið valinn mikilvægasti leikmaður liðsins öll þrjú árin síðan að liðið var stofnað aftur. Á árinu 2025 hefur Þórarinn spilað stórt hlutverk í því að koma meistaraflokki karla aftur í fyrstu deild.

T.v. Hörður Guðjónsson framkv. stjóri Fylkis, Signý Lára Bjarnadóttir, Eyþór Kolbeinsson (f.h. Ásgeirs), Saker Nasser, Þórarinn Gunnar Óskarsson og Björn Gíslason formaður félagsins

Einnig voru veitt heiðursmerki félagsins.

þar sem Rúnar Geirmundsson var sæmdur heiðurskrossi Fylkis. Rúnar er frumbyggi í Árbænum og því sannur Fylkismaður. Rúnar gegndi formennsku í félaginu á árunum 1998–2002 og starfaði jafnframt sem framkvæmdarstjóri knattspyrnudeildar árið 1991. Hann hefur verið styrktaraðili félagsins um árabil, bæði í gegnum fyrirtæki sitt og sem einstaklingur, og hefur auk þess setið í fjölmörgum nefndum og starfshópum á vegum félagsins síðustu áratugi.

t.v. Hörður Guðjónsson framkv. stjóri Fylkis, Rúnar Geirmundsson 19. Heiðurskrossfélagi Fylkis & Björn Gíslason formaður félagsins

Gullmerki félagsins hlaut svo listamaðurinn Húbert Nói fyrir árangursríkt samstarf í kringum herrakvöld Fylkis síðustu ár

t.v. Hörður framkv. stjóri, Húbert Nói & Björn Gíslason formaður félagsins

• Ágúst Aron Gunnarsson, liðsstjóri meistaraflokks karla, knattspyrnudeild

• Atli Már Agnarsson, fulltrúi í meistaraflokksráði kvenna, knattspyrnudeild

• Elsa Jakobsdóttir, starfsmaður, Íþróttafélagið Fylkir

• Erik Steinn Halldórsson, starfsmaður, Íþróttafélagið Fylkir

• Guðrún Inga Sívertssen, stjórnarmaður, handknattleiksdeild

• Hrönn Vilhjálmsdóttir, stjórnarmaður, handknattleiksdeild

• Kristján Gylfi Guðmundsson, þjálfari og starfsmaður, knattspyrnudeild

• Víkingur Sigurðsson, þjálfari, körfuknattleiksdeild

t.v. Hörður framkv. stjóri Fylkis, Ágúst Aron, Atli Már, Elsa Jakobsdóttir, Erik Steinn, Guðrún Inga, Hrönn Vilhjálmsdóttir, Kristján Gylfi, Víkingur Sigurðsson & Björn Gíslason formaður félagsins.

Frístundavagninn er kominn í jólafrí og byrjar aftur 5.janúar

Knattspyrnudeild Fylkis tilkynnir með stolti að Nikulás Val hefur skrifað undir nýjan samning.

Nikulás Val Gunnarsson, sem er öllu Fylkisfólki vel kunnur, hefur skrifað undir nýjan samning við Fylki sem gildir næstu tvö ár, eða hið minnsta út keppnistímabilið 2027. Við væntum þess að hann eigi eftir að leggja mikið af mörkum til liðsins á komandi tímabilum, því hæfileikarnir hér eru óumdeildir.

Nikulás Val hefur spilað 150 leiki fyrir Fylki í meistaraflokki, þar af eru ríflega 70 í efstu deild – og þangað stefnir hann aftur með liðinu. Við hlökkum til að sjá Nikka áfram í Fylkisbúningnum á komandi árum!

Gleði – Virðing – Metnaður