Verðskrá

Æfingagjöld 2024-2025

Almennar reglur

Æfingagjöld skulu greidd í upphafi tímabils.

Greiðsla æfingagjalda er forsenda fyrir þátttöku á æfingum og mótum sem flokkur eða einstaklingur fer á.

Æfingagjöldin standa að mestu leyti undir rekstri flokka og deilda og er þar langstærsti kostnaðarliðurinn laun þjálfara félagsins. Þau eru greidd út mánaðarlega, m.ö.o. æfingagjöldin eru lífæð fyrir rekstur deildanna.

Skráning, greiðsla, afslættir

Skráning og greiðsla æfingagjalda er í gegnum Sportabler.

Allir iðkendur verða að vera skráðir.

Í skráningarferlinu koma allar nauðsynlegar upplýsingar fram, verð á námskeiði og hvort hægt sé að skipta greiðslum og þá í hversu margar.

Ef forráðamaður getur ekki greitt í félagagjaldakerfinu með greiðsluseðli eða kreditkorti, þá þarf að hafa samband við skrifstofu, fylkir@fylkir.is.

Mikilvægt að hafa samband við skrifstofu ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

Allar breytingar á skráningu kosta 1500 kr fyrir hverja færslu / seðil utan innheimtukostnað og dráttarvexti.

Samskipti þjálfara við iðkendur og foreldra fara fram í gegnum Sportabler.

Þar koma fram upplýsingar um æfingar, leiki/mót og annað sem tengist starfinu.

Þegar iðkandi er skráður tengist hann sjálfkrafa við dagskráviðkomandi hóps.

Vinsamlegast hafið sambandi við skrifstofu Fylkis ef upp koma vandamál, fylkir@fylkir.is.

Keppnistreyja

Innifalin í fullum æfingagjöldum er ný keppnistreyja sem verður afhent í apr/maí 2025.

Þau sem byrja seinna og borga ekki fullt gjald verða að snúa sér beint til Macron varðandi treyju og borga fyrir hana sér.

Færslugjöld

Ofan á hvern greiðsluseðil bætist við 390 kr seðilgjald.

Ef æfingagjöldum er dreift á greiðslukort þá bætist við 2% kostnaður.

Frístundastyrkur

Hægt er að nýta frístundastyrk Reykjavíkurborgar upp í greiðslu á æfingagjöldum.

Nota skal frístundastyrkinn þegar gengið er frá æfingagjöldum í Sportabler við upphaf tímabils eða þegar iðkandi byrjar.

Ekki er heimilt að endurgreiða það sem greitt hefur verið með frístundastyrk Reykjavíkurborgar.

Ekki má flytja frístundastyrk milli systkina

Afslættir

Veittir eru systkinaafslættir innan hverrar deildar fyrir sig:

               -Greitt er fullt gjald fyrir hæðsta gjaldið

               -Veittur er 10% afláttur af gjaldi 2 sem er næst hæðsta gjaldið

               -Veittur er 20% afláttur af gjaldi 3 sem er þriðja hæðsta gjaldið

               -Veittur er 30% afláttur af gjaldi 4 sem er fjórða hæðsta gjaldið

Hægt er að sækja um lækkun á æfingagjöldum yfir vetrartímann ef að iðkandi æfir aðra íþróttagrein innan Fylkis og æfingatímar skarast þannig að þátttakandi kemst ekki á viðkomandi æfingu.

                -Ef um er að ræða tvær æfingar í viku og ein skarast má lækka æfingagjöld um 40% á viðkomandi tímabili.

                -Ef um er að ræða þrjár æfingar í viku má lækka æfingagjöldin um 25% fyrir hverja æfingu sem skarast á viðkomandi tímabili.

                 -Ef um er að ræða 4 æfingar á viku má lækka æfingagjöldin um 20% fyrir hverja æfingu sem skarast á viðkomandi tímabili.

Afslættir eru endurgreiddir þegar gjald er að fullu greitt og þarf að senda beiðini um það til skrifstofu Fylkis á netfangið fylkir@fylkir.is