,

Karen norðurlandarmeistari í Kumit fyrst Íslenskra kvenna !

Íslenska karatelandsliðið hélt á dögunum til Gautaborgar og tók þar þátt í Meistaramóti norðurlanda. Með í för voru fjórir keppendur frá Fylki en það voru þau Samuel Josh M. Ramos, Ísold Klara Felixdóttir (Íþróttakona Fylkis 2022) Karen Thuy Duong Vu og Guðmundur Týr Haraldsson
 
Fylkir hefur lengi verið eitt fremsta félag á Íslandi í karate og hefur okkar fólk náð frábærum árangri hér heima sem og erlendis.
 
Á þessu móti var enginn breyting á því og er skemmst frá því að segja að Karen vann sinn flokk -48kg kumite og varð um leið fyrsta Íslenska konan til að vinna Norðurlandameistaratitil.
 
Keppendurnir stóðu sig allir með mikilli príði og voru landinu og félaginu til mikilla sóma og verður gaman að fylgjast með þeim í framtíðinni en næsta verkefni er Heimsbikarmót í lok apríl !
 
#viðerumÁrbær
/by
,

Leikmannabæklingur knattspyrnudeildar 2023

Knattspyrnudeild Fylkis hefur gefið út nýjan leikmannabækling fyrir tímabilið 2023. Þar má finna kynningu á öllum leikmönnum meistaraflokkana ásamt viðtölum við þjálfara og fyrirliða.

Við hvetjum alla til að kíkja á bæklinginn.

Powered by Issuu
Publish for Free

/by
,

Fyrsti leikur strákanna okkar

Strákarnir okkar fá Keflavík í heimsókn í fyrsta leik sumarsins í Bestu deildinni á mánudaginn kemur þann 10.apríl og hefst leikurinn 14:00

🍔 Fylkisborgararnir frægu verða á sínum stað
🍭 Candy floss til sölu fyrir börnin
👑 Tekk stofan og Víking stofan opna 13:00

Við hvetjum alla til að mæta og styðja við bakið á okkar mönnum !

Einnig viljum við minna á árskortasöluna, hún er ennþá í fullum gangi á Stubb og heimasíðu félagsins !

Sjáumst á vellinum

/by
,

Stefán Logi og Guðmar Gauti í U-15

Þórhallur Siggeirsson, landsliðsþjálfari U15 karla, hefur valið þá Stefán Loga Sigurjónsson og Guðmar Gauta Sævarsson í úrtaksæfingar U-15 ára landsliðs karla dagana 3.-5. apríl.
 
Stefán Logi Sigurjónsson er stór og stæðilegur varnarmaður sem öruggur er á boltann. Stefán lék sína fyrstu leiki fyrir Íslands hönd síðasta haust.
 
Guðmar Gauti er varnarsinnaður miðjumaður með frábæra sendingagetu. Guðmar lék einnig sína fyrstu leiki fyrir Íslands hönd síðasta haust.
 
Við óskum þessum strákum til hamingju með valið og hlökkum til að fylgjast með þeim í framtíðinni !
 
#viðerumÁrbær


/by
,

Tinna og Sara í lokahóp U-19

Margrét Magnúsdóttir, landsliðsþjálfari U19 kvenna, hefur valið þær Tinnu Brá Magnúsdóttir og Söru Dögg Ásþórsdóttir fyrir milliriðla undankeppni EM 2023.
 
Ísland mætir þar Danmörku, Svíþjóð og Úkraínu, en leikið verður í Danmörku dagana 5.-11. apríl.
 
Báðar hafa þær verið fastamenn í hópnum ásamt því að vera algjörir lykilleikmenn í meistaraflokki félagsins.
 
Við óskum þeim til lukku með valið og hlökkum til að fylfjast með þeim í verkefninu !
 
#viðerumÁrbær


/by
,

Kvennakvöld Fylkis haldið 15 apríl

Kvennakvöld Fylkis verður haldið með pompi og prakt þann 15 apríl næstkomandi.
Miðasala hefst 1.mars 2023
Miðaverð: 10.900kr
Miðaverð í forsölu: 9.900kr ( fyrir 5.apríl) (miðaöludagar auglýstir síðar, en einnig hægt að panta miða í gegnum fylkirkvennakvold@gmail.com og millifæra)
Miðaverð eftir kl.23:00 – 3500kr (öll kyn)
Húsið opnar kl.19.00 – Fordrykkur kl.19:00-19:30

Happy Hour kI.19:00-20:00

Borðhald hefst stundvíslega kl. 20:00

Hver verður heiðurskonan 2023

Borðskreytingarkeppni – Verðlaun veitt fyrir flottasta borðið

Dætur, mæður, ömmur, systur, frænkur og vinkonur, tökum okkur saman, fylkjum liði og skemmtum okkur saman i frábærum félagsskap!

Opin bar í VIP fra kl:20:00 -23:00 – verð 3500kr (innifalið inngangsmiði kl.23:00 á kvennakvöld)
Þema kvöldsins: Glamúr og glimmer
Veislustjórar: Birna Rún Eiríksdóttir & Hjálmar Örn Jóhannsson
Dj kvöldsins: Heiðar Austmann
Leynigestur
Glæsilegur smàréttanatseðill frá veisluþjónustu
/by
,

Leikmannakynning Fylkis 2023

Þriðjudaginn 21.mars mun leikmannakynning meistaraflokka félagsins fara fram og opnar húsið 19:30.
 
Leikmenn karla og kvenna verða kynntir ásamt að þeim leikmönnum verða veitt verðlaun fyrir að hafa náð ákveðnum fjölda leikja
 
Árskort verða til sölum ásamt því að léttar veitingar og drykkir verða til sölu á vægu verði.
 
Við hvetjum alla til að fjölmenna á kvöldið og kynnast liðunum okkar fyrir sumarið !
/by
,

Óli og Arnór í U-21

Davíð Snorri Jónasson, landsliðsþjálfari U21 liðs karla, hefur valið þá Ólaf Kristófer Helgason og Arnór Gauta Jónsson í U21 landsliðs hópinn sem leikur vináttulandsleik gegn Írlandi ytra í lok mars.
 
Arnór og Óli eru báðir lykilmenn í meistaraflokki félagsins og þetta frábær viðurkenning fyrir frammistöðu þeirra undanfarið !
 
Til hamingju Arnór og Óli !
 
#viðerumÁrbær

 

 

/by
,

Fylkir og Rinat í samstarf

Knattspyrnudeild Fylkis og Rinat á Íslandi hafa gert á milli sín samsstarfssamning um markmannsvörur.

Rinat er mexíkóst merki sem sérhæfir sig í markmannshönskum og öðrum vörum fyrir markmenn. Rinat hefur notið gífurlegra vinsælda frá því að vörur frá merkinu urðu fáanlegar hérlendis vorið 2019.

Markverðir meistaraflokks karla og kvenna munu í sumar spila í hönskum frá Rinat og munu allir markmenn yngri flokka félagsins geta keypt hanska frá merkinu á sérstökum kjörum. 

 

Mikil ánægja er með að samkomulag hafi náðst við Rinat og hlökkum við til að sjá markmenn félagsins bæta og þróa sinn leik í vörum frá merkinu. 

/by
,

Kynningarfundur stefnumótunar knattspyrnudeildar

Kæra Fylkisfólk,
Stjórn Knattspyrnudeildar Fylkis boðar til opins fundar þar sem stefnumótun til ársins 2028 verður kynnt.
Stund: þriðjudaginn 7. mars kl. 20.00 – 21.30
Staður: Fylkishöll, samkomusalur 2. hæð, gengið inn að vestan.
Fyrir hverja: Allt Fylkisfólk sem vill kynna sér stefnu KND
Undirbúningur fyrir stefnumótunarvinnu KND Fylkis til 2028 hófst með viðhorfskönnun sl haust þar sem tæplega 400 einstaklingur svöruðu kallinu og hátt í 1000 ábendingar bárust.
Vinna að stefnumótuninni hefur verið í gangi undanfarna mánuði og nú er komið að því kynna afrakstur þeirrar vinnu.
Við munum einnig kynna möguleika á þátttöku í jákvæðu og uppbyggjandi sjálfboðastarfi deildarinnar.
Skráðu þig á fundinn hér til að við vitum hve mörg mæta
Hlökkum til að sjá ykkur
/by