Fylkir logoFimleikadeild Fylkis auglýsir eftir þjálfurum
Fylkir Gymnastics looking for coaches
Emil Ásmundsson og Daði Ólafsson hafa framlengt samninga sína við Fylki. Samningur Emils er til eins árs en Daði semur til tveggja ára.
Emil sem verður þrítugur á næsta ári á að baki 167 leiki fyrir Fylki, þar af 81 í efstu deild. Emil hefur einnig leikið með KR og var á mála hjá Brighton í Englandi á árunum 2013-2016. Emil á líklega flottasta mark sem skorað hefur verið á Fylkisvelli þegar hann klippti boltann í samskeytin í leik gegn Grindavík í Lengjudeildinni árið 2022.
Daði sem verður 31 árs á næsta ári hefur því miður átt við þrálát meiðsli að stríða undanfarin tvö ár og kom aðeins við sögu í tveimur leikjum á liðnu tímabili. Daði á að baki 208 leiki fyrir Fylki, þar af 94 í efstu deild og hefur utan stuttrar lánsdvalar hjá ÍR árið 2016 leikið allan sinn feril í appelsínugulu og var meðal annars stoðsendingahæsti leikmaður Pepsi deildarinnar árið 2019.
Eru þetta frábær tíðindi fyrir félagið að tryggja okkur þjónstu þessara leikmanna áfram og verða þeir liðinu afskaplega dýrmætir á komandi leiktíð.
Myndir frá fotbolti.net
Okkar reynslumesti og leikjahæsti leikmaður Ásgeir Eyþórsson hefur framlengt samning sinn við Fylki um eitt ár. Eru þetta gríðarlega jákvæð tíðindi og ljóst að Ásgeir verður liðinu afar dýrmætur í baráttunni í Lengjudeildinni næsta sumar.
Ásgeir á að baki 359 leiki fyrir Fylki, þar af 188 í efstu deild og hefur verið lykilmaður liðsins í mörg ár og oft borið fyrirliðabandið.
Þessi stóri og stæðilegi miðvörður sem stundum er kallaður „Seðlabankastjórinn“ lék sinn fyrsta leik fyrir félagið í Pepsi deildinni árið 2011 og hefur verið einn okkar tryggasti liðsmaður enda aldrei leikið með öðru félagi en Fylki.
Olivier Napiórkowski hefur verið valinn á landsliðsæfingar með U16 karla dagana 26.-28.nóvember næstkomandi.
Æfingarnar fara fram í Miðgarði í Garðabæ undir stjórn Lúðvíks Gunnarsson, landsliðsþjálfara U16 karla.
Olivier er fæddur árið 2009 og algjör lykilmaður í 3.flokki félagsins. Olivier er eldfljótur vængmaður með öflugan vinstri fót.
Atli Björn Sverrisson og Magnús Daði Ottesen hafa verið valdir á landsliðsæfingar með U15 karla daganna 26.-28.nóvember næstkomandi. Æfingarnar fara fram í Miðgarði undir handleiðslu nýs landsliðsþjálfara U15, Ómars Inga Guðmundssonar.
Báðir drengir eru fæddir árið 2010 og eru lykilmenn í 3.flokki félagsins.
Atli er kraftmikill varnar og miðjumaður og Magnús er sóknarsinnaður miðjumaður með mikið markanef og hlökkum við til að fylgjast með þeim í framtíðinni.
Óskum við þeim innilega til hamingju
Júlía Huld Birkisdóttir og Margrét Lind Zinovieva tóku þátt í æfingum U16 kvenna nú í vikunni dagana 11. og 12. nóvember undir stjórn Þórðar Þórðarsonar landsliðsþjálfari U16 kvenna
Báðar stúlkur eru fæddar árið 2009 og eru lykilmenn í 3.flokki félagsins.
Júlía er öflugur markvörður og Margrét er grjótharður varnarsinnaður miðjumaður en báðar hafa verið valdar í landslið áður á árinu.
Óskum við þeim innilega til hamingju
Knattspyrnudeild Fylkis hefur ráðið Kristófer Sigurgeirsson sem aðstoðarþjálfara meistaraflokks karla við hlið Árna Freys Guðnasonar þjálfara Fylkisliðsins. Auk þess að taka að sér starf aðstoðarþjálfara meistaraflokks mun Kristófer annast fleiri verkefni fyrir Knattspyrnudeild Fylkis, m.a. á sviði afreksþjálfunar. Kristófer lék á sínum tíma 211 leiki í tveimur efstu deildum knattspyrnunnar þar sem hann skoraði 27 mörk. Flesta þessa leiki spilaði Kristófer undir merkjum uppeldisfélagsins Breiðabliks en auk þess lék hann með Fram og Fjölni. Kristófer sem er með KSÍ A próf, hefur víðtæka reynslu á sviði þjálfunar meistaraflokka, meðal annars hjá Breiðabliki en einnig sem þjálfari karlaliðs Leiknis R. í næst efstu deild. Á síðsta tímabili var Kristófer aðstoðarþjálfari hjá kvennaliði Víkings R. í Bestu deild.
Ragnar Páll Bjarnason, formaður Knattspyrnudeildar Fylkis: „Við erum mjög spennt fyrir ráðningu Kristófers, bæði fyrir því sem snýr beint að þjálfun meistaraflokks, ásamt Árna Frey, en einnig fyrir öðrum verkefnum eins og afreksstarfinu sem við höldum áfram að þróa hjá okkur. Við hjá Fylki munum áfram leggja áherslu á sterka umgjörð og framúrskarandi þjálfun og hlökkum til baráttunnar fram undan undir stjórn okkar nýja teymis“.
Kristófer Sigurgeirsson, nýráðinn aðstoðarþjálfari Fylkis: „Aðstaðan hjá Fylki er til fyrirmyndar og það er mikill efniviður til staðar í Árbænum. Það er líka mikill stuðningur við liðið frá Árbæingum sem gerir það alltaf skemmtilegra að mæta á völlinn. Á þessum öfluga grunni Fylkismanna og markvissri stefnu munum við byggja og koma okkur fljótt aftur í röð þeirra bestu. Þá hlakka ég mikið til þess að starfa með Árna Frey og teyminu í kringum liðið og öllu því drífandi fólki sem kemur að knattspyrnunni hér dags daglega. Það eru krefjandi verkefni í vændum fyrir Árbæinga á komandi tímabilum og gott að sjá að stefnan er sett hátt hér.“
Frá vinstri: Björn Viðar Ásbjörnsson formaður meistaraflokksráðs, Kristófer Sigurgeirsson aðstoðarþjálfari, Árni Freyr Guðnason þjálfari, Arnór Gauti Brynjólfsson, styrktarþjálfari, Ragnar Páll Bjarnason, formaður knattspyrnudeildar
Frá vinstri: Kristófer Sigurgeirsson aðstoðarþjálfari, Árni Freyr Guðnason þjálfari, Arnór Gauti Brynjólfsson, styrktarþjálfari
Kristófer Sigurgeirsson aðstoðarþjálfari
Guðmar Gauti Sævarsson leikmaður Fylkis hefur verið við æfingar hjá unglingaliðum Lyngby (U17 og U19) í þessari viku.
Guðmar átti stórleik með U-17 ára liði Lyngby á þriðjudag 1-1 gegn Nordsjælland en Guðmar Gauti átti stoðsendingu í marki Lyngby.
Guðmar sem hefur farið á kostum með U-17 ára landsliði Íslands að undanförnu og skoraði meðal annars bæði gegn Norður Makedóníu og Eistlandi í undankeppni EM 2025 er spennandi leikmaður sem gaman verður að fylgjast með áfram.
Síðastliðinn laugardag var Íslandsmeistaramót unglinga í kumite. Þessi komu og sáu og sigruðu!
Fylkir sigraði félagsliða keppnina og fékk bikarinn heim annað árið í röð🏆
Við erum óendanlega stolt af þessum öllum og óskum þeim til hamingju!🧡🖤🤍 Þið eruð alveg frábær og áttuð góðar viðureignir.
Þórir, Simon, Kristín, Hilmar eru Íslandsmeistarar🏆
Monja, Saker, Kristján – 🥈
Baltasar, Borghildur, Filip, Vilhjálmur, Guðmundur Týr – 🥉
Síðastliðinn laugardag fór fram lokahóf meistaraflokka Fylkis þar sem veittar voru ýmisskonar viðkurenningar.
Bestu leikmenn 2024: Tinna Brá Magnúsdóttir og Ólafur Kristófer Helgason
Efnilegustu leikmenn 2024: Kolfinna Baldursdóttir og Sigurbergur Áki Jörundsson
Aðrar viðurkenningar voru sem hér segir:
Allra flokka: Selma Schweitz Ágústdóttir, Sigrún Helga Halldórsdóttir, Guðmar Gauti Sævarsson, Theodór Ingi Óskarsson, Þorkell Víkingsson, Þórður Ingi Ingimundarson
50 leikir: Guðrún Karítas Sigurðardóttir, Kolfinna Baldursdóttir, Mist Funadóttir, Signý Lára Bjarnadóttir, Tinna Harðardóttir, Ómar Björn Stefánsson
100 leikir: Tinna Brá Magnúsdóttir, Erna Sólveig Sverrisdóttir, Eva Rut Ásþórsdóttir, Birkir Eyþórsson, Ólafur Kristófer Helgason
150 leikir: Emil Ásmundsson
250 leikir: Ragnar Bragi Sveinsson og Orri Sveinn Stefánsson
350 leikir: Ásgeir Eyþórsson
Einnig voru landsliðsmenn ársins heiðraðir en þeir eru:
Tinna Brá Magnúsdóttir U-23, Mist Funadóttir U-23, Ólafur Kristófer Helgason U-21, Stefán Gísli Stefánsson U-19, Theodór Ingi Óskarsson U-19, Guðmar Gauti Sævarsson U-17 og U-16, Elísa Björk Hjaltadóttir U-17 og U-16, Olivier Narpiókowski U-16, Birta Margrét Gestsdóttir U-16, Margrét Lind Zivonieva U-16, Magnús Daði Ottesen U-15, Atli Björn Sverrisson U-15
