Ásgeir Eyþórsson framlengir

Okkar reynslumesti og leikjahæsti leikmaður Ásgeir Eyþórsson hefur framlengt samning sinn við Fylki um eitt ár. Eru þetta gríðarlega jákvæð tíðindi og ljóst að Ásgeir verður liðinu afar dýrmætur í baráttunni í Lengjudeildinni næsta sumar.

Ásgeir á að baki 359 leiki fyrir Fylki, þar af 188 í efstu deild og hefur verið lykilmaður liðsins í mörg ár og oft borið fyrirliðabandið.

Þessi stóri og stæðilegi miðvörður sem stundum er kallaður „Seðlabankastjórinn“ lék sinn fyrsta leik fyrir félagið í Pepsi deildinni árið 2011 og hefur verið einn okkar tryggasti liðsmaður enda aldrei leikið með öðru félagi en Fylki.