,

Fylkir semur við efnilega leikmenn

Laugardaginn 10.desember skrifuðu margir af okkar efnilegustu leikmönnum undir samning við félagið. Það er fagnaðrefni að okkar öfluga yngri flokka starf
skili upp ungum leikmönnum sem eiga framtíðina fyrir sér. Flestir af þessum leikmönnum hafa þegar fengið reynslu með meistaraflokkum félagsins og staðið sig vel.

Frá vinstri:

Aron Örn Þorvarðarson er fæddur árið 2002 og er efnilegur bakvörður sem gekk nýlega upp úr öðrum flokki félagsins.

Erna Þurý Fjölvarsdóttir er fædd árið 2005 og er sóknarmaður sem steig sín fyrstu skref með meistaraflokki í Pepsi Max deildinni á nýliðinu tímabili.

Aron Snær Guðbjörnsson er fæddur árið 2004 og er gríðarlega fjölhæfur leikmaður sem getur leyst flestar stöður aftarlega á vellinum.

Rebekka Rut Harðardóttir er fædd árið 2005 og er gríðarlega efnilegur markmaður sem spilaði stórt hlutverk í öðrum og þriðja flokki félagsins.

Bjarki Steinsen Arnarson er fæddur árið 2005 og spilar aðalega sem sóknarmaður en getur þó leyst fleiri stöður á vellinum. Bjarki var nýlega í æfingarhóp U-17 ára landsliðsins.

Ómar Björn Stefánsson er fæddur árið 2004 og er virkilega efnilegur sókarmaður sem fékk sínar fyrstu mínútur í Pepsi Max deildinni í fyrra.

Helga Valtýsdóttir Thors er fædd árið 2005 og er skapandi miðjumaður sem spilaði sinn fyrsta leiki í efstu deild á nýliðnu tímabili.

Ásberg Arnar Hjaltason er fæddur árið 2005 og er gríðarlega skapandi leikmaður sem getur leyst ýmsar stöður á vellinum. Hann hefur verið í æfingar og keppnishópum fyrir U-17 ára landsliðið undanfarið.

Fylkir fagnar því að ungir leikmenn haldi tryggð við félagið og hlökkum við mikið til í að fylgja þessum efnilegu leikmönnum áfram.

 

/by
,

Frítt að æfa handbolta út október !

Frítt að æfa handbolta út október !
Handknattsleiksdeild Fylkis bíður öllum að koma og prófa handbolta frítt út október. Það hefur verið mikil uppbygging í handboltanum undanfarin ár og ætlum við að halda þeirri góðu þróun áfram.
 
Allir aldurshópar fara á keppnisferðir út á land ásamt því að elstu flokkarnir fara í keppnisferð á Partille Cup í Svíþjóð !
 
Við hvetjum alla til að koma og prófa handbolta !
/by
,

Aðalfundur knattspyrnudeildar

Aðalfundur knattspyrnudeildar verður í Fylkishöll 26.október 2021 kl 19:30

 

/by
,

Verkferlar vegna ofbeldismála

Kæru iðkendur, forráðamenn og félagsmenn Fylkis

Í ljósi umræðunar undanfarna daga viljum við upplýsa alla um þá verkferla og þann vettvang sem Fylkir nýtir sér við aðstoð tilkynninga og úrvinnslu slíkra málefna.
Mikilvægt er að einstaklingar sem orðið hafa fyrir einhverskonar ofbeldi eða óæskilegri hegðun geti leitað til óháðs aðila sem er sérfræðingur í meðferð slíkra mála.
Hægt er að leita til Viðbragsráðs Fylkis og eru upplýsingar um það á heimasíðu félagsins. Þar er einnig að finna viðbragðáætlanir og stefnur sem taka á málum sem koma upp innan félagsins.
Vekjum svo sérstaka áherslu á samskiptaráðgjafa íþrótta- og æskulýðsstarfs.
Samskiptaráðgjafi er óháður aðili sem styður við, leiðbeinir og aðstoðar þá sem hafa upplifað einhverskonar ofbeldi eða einelti í slíku starfi. Sigurbjörg Sigurpálsdóttir
er Samskiptaráðgjafi íþrótta- og æskulýðsstarfs.
Þeir sem telja sig hafa orðið fyrir ofbeldi eða einelti í sínu íþrótta- og æskulýðsstarfi eða eru ekki vissir og vilja fá ráðgjöf varðandi slík mál, geta haft samband við
Sigurbjörgu með því að senda póst á sigurbjorg@dmg.is eða hringt í síma 839-9100
Engin greiðsla er tekin fyrir þjónustu samskiptaráðgjafa.

/by
, , , , , , , , ,

Vetrardagskrá Fylkis 2021/2022

Fylkir býður uppá fjölbreytta vetrardagskrá fyrir veturinn 2021/2022.

 

Hér á heimasíðunni finnur þú upplýsingar um æfingatíma og fleira. Skráning í stafið fer fram í gegnum Sportabler

/by
,

Tryggðu þér Fylkisgrímu á frábæru tilboði !

Fylkisgrímurnar eru komnar á frábært tilboð þessa vikuna og hvetjum við allt Fylkisfólk til að tryggja sér grímu sem fyrst. Grímurnar eru til í barna og fullorðinsstærðum og fást þær í afgreiðslu Fylkishallar.
Breyttir opnunartímar eru svo þessa vikuna en afgreiðslan er opin frá 12.00 – 16.00. Ef þið hafið spurningar er hægt að hafa samband í síma eða senda okkur skilaboð hér á Facebook
/by
,

Fylkir 54 ára í dag

Íþróttafélagið Fylkir er 54 ára í dag 28.maí 2021 en félagið var stofnað árið 1967. Fylkir ber aldurinn mjög vel og er í mjög góðu formi eins og góðu íþróttafólki sæmir. Í dag eru í kringum 1500 iðkendur sem iðka sína íþrótt hjá okkur í sex íþróttagreinum og  svo mun sú sjöunda bætast við í sumar en það er körfubolti en hann er að fara af stað aftur eftir nokkurra ára hlé.   Nú er sumarið komið og það styttist í sumarstarf félagsins sem hefur sjaldan verið eins fjölbreytt og skemmtilegt. Allar frekari upplýsingar um það má nálgast á heimasíðu félagsins. Það hefur alltaf verið mikill áhugi og samstaða með félaginu innan okkar hverfis og upplifum við okkur oft sem þorp úti á landi.  Það hefur sýnt sig að margir gamlir íbúar árbæjarhverfis halda tryggð við félagið þó að viðkomandi búi þar ekki lengur og eru alltaf tilbúin að leggja okkur lið ef þess þarf og fyrir það erum við ævinlega þakklát.  Það gerist ekki af sjálfum sér að félag eins og okkar sé jafn stórt og öflugt og raun ber vitni.  Þeir frumkvöðlar sem fóru af stað fyrir rúmum fimmtíu árum og stofnuðu félagið eiga stærstan þátt í þessari sögu og svo allir þeir sjálfboðaliðar sem komið hafa að starfinu á síðustu árum.  Viljum við nota tækifærið og þakka öllum þeim kærlega fyrir þeirra framlag.  Að lokum óskum við öllu Fylkisfólki nær og fjær til hamingju með daginn og hlökkum til næstu ára með ykkur.  Áfram Fylkir !!

/by