, ,

Stuðningsyfirlýsing Knattspyrnudeildar Fylkis við Ásgeir Ásgeirsson, fyrrverandi stjórnarmann KSÍ

Stuðningsyfirlýsing Knattspyrnudeildar Fylkis við Ásgeir Ásgeirsson, fyrrverandi stjórnarmann KSÍ

 

Í framhaldi af ársþingi KSÍ sem haldið var 26. febrúar síðastliðinn og þeirri umræðu sem átti sér stað á þinginu sjálfu, auk umræðu í aðdraganda þingsins sem teygir sig aftur til haustsins 2021, um kynbundið og kynferðislegt ofbeldi, vill Knattspyrnudeild Fylkis koma eftirfarandi á framfæri:

Það var á sínum tíma gæfa fyrir Knattspyrnudeild Fylkis og félagið í heild sinni þegar Ásgeir Ágeirsson gaf færi á sér til starfa fyrir deildina, fyrst á vettvangi Barna- og unglingaráðs, síðar sem formaður meistaraflokksráðs karla og svo um margra ára skeið sem formaður deildarinnar ásamt sæti í aðalstjórn.

Auk þessara starfa gaf Ásgeir síðar færi á sér til trúnaðarstarfa fyrir knattspyrnuna á Íslandi, bæði sem formaður ÍTF (Íslensks Toppfótbolta) og víðar. Frá árinu 2019 sat Ásgeir í stjórn KSÍ þar til hann sagði sig úr stjórninni í lok ágúst 2021 eftir að ÍTF, formenn aðildarfélaga ÍTF auk nokkurra félaga úr neðri deildum höfðu hvatt stjórn og framkvæmdastjóra KSÍ til að axla ábyrgð.

Okkur þykir leitt að sú atburðarrás sem fór af stað í kjölfarið hafi beinst persónulega gegn Ásgeiri og öðrum almennum stjórnarmönnum KSÍ þar sem þeim var ætlað að hafa vitneskju um atburði sem þeir höfðu ekki. Í því samhengi er sérstaklega bent á skýrslu úttektarnefndar ÍSÍ sem gerði úttekt á viðbrögðum og málsmeðferð KSÍ vegna kynferðisofbeldismála sem tengst hafa leikmönnum í landsliðum Íslands. Lokaskýrsla úttektarnefndarinnar var kynnt 7. desember 2021 þar sem m.a. kom skýrt fram að almennir stjórnarmenn KSÍ hafi ekki vitað um þau mál sem til umfjöllunar voru í skýrslunni og stjórn KSÍ því hreinsuð af þeim ásökunum sem á hana voru bornar (Kastljós 9. desember 2021).

Öll störf sem Ásgeir hefur tekið að sér á vettvangi Fylkis í gegnum tíðina hefur hann innt af hendi af miklum dugnaði, heilindum og ósérhlífni. Við erum viss um að það sama gildir um allt hans framlag til íslenskrar knattspyrnu, þ.m.t. störf hans á vettvangi KSÍ. Við viljum taka skýrt fram að Ásgeir nýtur fulls og óskorðaðs trausts Knattspyrnudeildar Fylkis og það er von okkar að íslensk knattspyrna fái áfram notið hans öflugu starfskrafta í framtíðinni.

Knattspyrnudeild Fylkis vill að lokum taka það fram að við höfnum öllu ofbeldi í hvaða mynd sem það er og að við styðjum brotaþola.

Virðingarfyllst,

Fh. Knattspyrnudeildar Fylkis

Arnar Þór Jónsson, formaður

 

/by
,

Karatefólkið okkar stóð sig vel í Svíþjóð

Það er svo sannarlega hægt að segja að karate fólkið okkar hafi staðið sig vel á opna Sænska mótinu sem fram fór um liðna helgi. Þar fengu keppendur að spreyta sig á nýrri tækni og nýjum andstæðingum sem gaf mikla og góða reynslu.
 
Einnig fór hópurinn heim með þrjú verðlaun af mótinu.
Samuel Josh Ramos vann silfur í -67kg senior flokki karla
Ólafur Engilbert Árnason vann silfur í -75kg flokki karla
Alexander Rósant Hjartarson vann brons í -68kg flokki í cadet karla
 
Við óskum þeim til hamingju með verðlaunin og hlökkum til að fylgjast með framgangi þessa efnilega fólks í framtíðinni !
 
#viðerumÁrbær !
/by
,

Páskanámskeið knattspyrnudeildar

Dagana 11-13 apríl verður boðið upp á páskanámskeið fyrir 5.,6. og 7.flokk félagsins.
 
Áhersla er lögð á grunnatriði knattspyrnunnar ásamt því auðvitað að hafa gaman. Þjálfarar koma úr starfinu hjá okkur !
 
Námskeiðið er kennt á milli 09:00 og 12:00 !
 
Skráning fer fram í gegnum Sportabler !
 
#viðerumÁrbær
/by
,

Stóri dagur hjá Knattspyrnudeild Fylkis

Laugardaginn 2. april s.l. skrifuðu 10 af okkar efnilegustu leikmönnum undir samning við knattspyrnudeildina.
 
Við erum mjög stolt af því að semja við þessa leikmenn sem við teljum að eigi bjarta framtíð hjá okkur í Fylki. Leikmennirnir eru fæddir frá 2007-2004.
 
Leikmennirnir eru frá vinstri; Sævar Snær 2007, Theodór Ingi 2006, Stefán Gísli 2006, Þóroddur 2004, Þorkell 2004, Þórður Ingi 2005, Hlynur Andri 2004, Kolfinna 2006, Elísa Björk 2007 og Guðrún Embla 2006.
 
Til hamingju með nýju samningana !
 
#viðerumÁrbær
/by
,

Helga Guðrún til Fylkis

 

Okkur er sönn ánægja að tilkynna að Helga Guðrún Kristinsdóttir hefur skrifað undir samning við knattspyrnudeild Fylkis út tímabilið 2023.

Helga Guðrún er uppalin hjá Grindavík auk þess sem hún hefur leikið með Stjörnunni en í dag leikur Helga með AO Trikala í Grikklandi og mun klára tímabilið með þeim í toppbaráttunni og kemur í Árbæinn í byrjun maí.

Helga Guðrún hefur leikið 153 meistaraflokksleiki og skorað í þeim 36 mörk og mun koma með mikla reynslu inn í okkar unga og efnilega lið.

Við Fylkismenn getum glaðst yfir þeim tíðindum að semja við leikmenn sem eru staðráðnir í því að hjálpa liðinu upp í deild þeirra bestu!

Velkomin í Árbæinn Helga!.

#viðerumÁrbær

/by
,

Tinna og Sara valdar í lokahóp U-19

Margrét Magnúsdóttir landsliðsþjálfari U19 kvenna, hefur valið landsliðshóp fyrir u-19 ára landslið kvenna sem tekur þátt í milliriðli í undankeppni fyrir EM 2022.
 
Fylkir á tvo fulltrúa í hópnum en það eru þær Sara Dögg Ásþórsdóttir og Tinna Brá Magnúsdóttir.
 
Sara Dögg er öflugur miðjumaður og orðinn algjör lykilmaður í ungum og spennandi meistaraflokk félagsins. Hún var svo valinn efnilegasti leikmaður meistaraflokks kvenna á ný afstöðu tímabili.
 
Tinna er á 18 aldursári og spilaði hún alla leiki Fylkis í Pepsi Max deildinni síðasta sumar. Hún hefur fest sig í sessi sem einn allra efnilegasti markmaður landsins.
 
Ísland er í riðli með Englandi, Wales og Belgíu, en leikið er á Englandi dagana 6.-12. apríl.
 
Við óskum stelpunum til hamingju með valið og hlökkum til að fylgjast með þeim í þessu verkefni.
 
#viðerumÁrbær
/by
,

Happadrætti á herrakvöldi Fylkis 25.mars

Hér fyrir neðan má sjá þau númer sem voru dregin út í happadrættinu sem var á herrakvöldi Fylkis 25.mars.  Vinningshafar geta nálgast vinningana í Fylkishöll frá og með mánudeginum 28.mars.

Vinningaskrá 2022 n
/by
,

Vel heppnað blakmót í Fylkishöll

Laugardaginn 12. mars hélt blakdeild Fylkis sitt árlega hraðmót í blaki. Það leiddu saman hesta sína 19 lið af höfuðborgarsvæðinu í 3 deildum, tveimur kvenna og einni karladeild.
Skemmtileg sérstaða blaksins er að þar geta nánast allir keppt við alla og sérstaklega skemmtilegt var að sjá að þátttakendur voru á öllum aldri en yngsta liðið var drengjalið Aftureldingar úr 3. flokki á meðan elstu þátttakendur fæddust árið 1949 og hefðu því hæglega geta verið langaafar hinna yngstu. Svo skemmtilega vildi til að þessi tvö lið mættust á mótinu og að þessu sinni fóru hinir eldri með sigur af hólmi.
Uppi sem sigurvegarar stóðu lið ÍS í 1. deild kvenna, lið frá Fylki í 2. deild kvenna og svonefndir HKarlar úr Kópavogi í karladeild. Fylki sendi 4 lið til keppni og stóðu þau sig öll með prýði og urðu m.a. í öðru sæti í karladeild og þriðja sæti í fyrstu deild kvenna.
/by
,

Vienna Behnke semur við Fylki

Vienna Behnke semur við Fylki.
Okkur er sönn ánægja að tilkynna að Vienna Behnke hefur skrifað undir samning við knattspyrnudeild Fylkis út keppnistímabilið 2022.
Vienna er mjög reynslumikill vinstri kantmaður, sem hefur spilað 71 leik fyrir Hauka í Lengjudeildinni og skorað í þessum leikjum 32 mörk.
Hún er frábær viðbót við okkar unga og efnilega lið og erum við gríðarlega spennt að fylgjast með henni á vellinum í sumar.
Vienna, velkomin í Árbæinn !
/by
,

Mathias Laursen semur við Fylki

Mathias Laursen til Fylkis
Danski sóknarmaðurinn Mathias Laursen hefur skrifað undir samning við félagið.
Hann æfði með félaginu fyrr á árinu og spilaði leik þar sem hann m.a skoraði og lagði upp.
Mathias kemur frá Danska félaginu Aarhus Fremad þar sem hann lék 75 leiki og skoraði í þeim 35 mörk.
Fylkir bíður Mathias velkominn til félagsins og hlakkar til að sjá hann á vellinum !
/by