Leikur hjá stelpunum í kvöld.
Pepsí Max kvenna
Fylkir – KR kl 19:15
Því miður engir áhorfendur á leiknum en sendum stelpunum góða strauma.
Gangi ykkur vel stelpur.
FYLKIR ÁRBÆJARINS BESTA
Tveimur leikjum Fylkis í Pepsi Max deild kvenna frestað - Knattspyrnusamband Íslands
Næstu leikir í Pepsí Max.
Lau. 03.10.2020 Kl 14:00
Pepsi Max deild kvenna
Samsungvöllurinn
Stjarnan – Fylkir
Sun. 04.10.2020 Kl 19:15
Pepsi Max deild karla
Kópavogsvöllur
Breiðablik – Fylkir
Mætum og styðjum Fylki.
FYLKIR ÁRBÆJARINS BESTA

Bikarúrslit á sunnudag kl 11:30.
3fl.kvenna
WÜRTH VÖLLURINN
Fylkir – ÞÓR/KA

Yfirlýsing frá Stjórn Knattspyrnudeildar Fylkis

Vegna grófra ummæla Rúnars Kristinssonar þjálfara KR í viðtölum á Stöð 2 og fótbolta.net eftir leik KR og Fylkis s.l. sunnudag langar okkur að koma eftirfarandi á framfæri

Okkur var verulega brugðið þegar þjálfari KR viðhafði fordæmalausan óhróður um leikmann Fylkis, Ólaf Inga Skúlason og vændi leikmanninn og liðið allt um að stunda ítrekað svindl og svínarí í gegnum tíðina í viðtölum eftir leik liðanna. Fleiri miður falleg og einstaklega ósvífin orð voru látin falla sem verða ekki tíunduð hér en eru þjóðinni kunn og eru honum og félaginu KR til háborinnar skammar.

Rétt er að taka fram að það er partur af leiknum að vera ósammála um atvik í leikjum eða frammistöðu leikmanna og dómara og hafa á þeim sterkar skoðanir.   Þau ummæli sem hér um ræðir voru hins vegar einstaklega persónulegar ærumeiðingar sem að mati okkar Fylkismanna fóru langt út fyrir þau velsæmismörk sem eðlilegt er að setja bæði til að vernda leikmenn og starfsmenn leikja.    Slík mörk eru ekki síður mikilvæg til að viðhalda virðingu leiksins og sýna ábyrgð út á við af þeim sem eru sterkar fyrirmyndir margra og ekki síst barna og ungmenna.

Við hjá knattspyrnudeild Fylkis höfum haft miklar mætur á Rúnari Kristinssyni sem á einstaklega glæsilegan knattspyrnuferil að baki jafnt með félagsliðum og landsliðum þar sem hann hefur iðulega komið fram af prúðmennsku.    Hefur hann sem þjálfari jafnframt iðulega komið vel fram í fjölmiðlum og verið málefnalegur, agaður og hófstilltur.   Af þessum ástæðum svíður það enn meir að hann skuli viðhafa þessi bersýnilegu röngu og meiðandi ummæli um leikmann okkar og lið enda er hlustað á hann og tekið mark á honum.

Eftir stendur hins vegar að flestir þeir hlutlausu sérfræðingar sem hafa tjáð sig um umrætt atvik eru sammála um að ákvörðun dómara hafi verið rétt.  Jafnframt hefur enginn tekið undir ummæli þjálfarans um óheiðarleika og svindl af hálfu umrædds leikmanns né hafa verið sett fram dæmi sem styðja þessi ummæli.   Það eru hins vegar til nýleg dæmi þar sem að Rúnar hrósaði leikmanni sínum eftir að leikmaðurinn viðurkenndi að hafa „fiskað“ annan leikmann af velli með leikaraskap.   Framangreind ummæli Rúnars dæma sig því sjálf.   Hið rétta er eins og allir vita sem til þekkja að Ólafur Ingi Skúlason er frábær leikmaður og persónuleiki bæði innan og utan vallar sem á glæsilegan feril að baki bæði með félagsliðum og íslenskum landsliðum.  Hann getur verið fastur fyrir á vellinum en hann er langt frá því að vera óheiðarlegur leikmaður eða svindlari.

Forráðamenn Fylkis hafa ávallt lagt sig fram við að eiga gott samstarf við KR og hefur það oftast gengið eftir.  Stuðningsmenn þeirra eru einstakir og okkur hlakkar alltaf til komu þeirra í Árbæinn.   Það er hins vegar miður að KR hefur ekki séð ástæðu til að biðjast afsökunar eða með öðrum hætti að bera klæði á vopnin.   Með þessu er þetta stórveldi í íslenskri knattspyrnu að setja ný háttsemis- og samskiptaviðmið.

Við Fylkismenn höfum hins vegar ákveðið að setja þetta mál aftur fyrir okkur með þessari yfirlýsingu og munum þess í stað einbeita okkur að leiknum sjálfum og þeim fjölmörgu verkefnum sem þessir fordæmalausu tímar hafa lagt á íþróttahreyfinguna.  Þannig stuðlum við best að öflugu starfi knattspyrnudeildar Fylkis bæði í meistaraflokkum karla og kvenna og í yngri flokkum þar sem við munum áfram leggja áherslu á háttvísi innan og utan vallar.

Í framangreindu ljósi hefur stjórn Knattspyrnudeildar Fylkis ákveðið að senda ekki inn kæru til Aga- og úrskurðarnefdar KSÍ vegna þessara ummæla þjálfarans en láta þess í stað KSÍ það eftir að taka þetta mál til skoðunar með það fyrir augum að standa vörð um háttvísi íslenskrar knattspyrnu og setja umræðunni takmörk.

 

Máli þessu er hér með lokið af okkar hálfu.

 

Fyrir hönd Knattspyrnudeildar Fylkis

Kjartan Daníelsson

Næsti leikur hjá strákunum.
WURTH völlurinn
Fylkir – Víkingur
Fimmtudagur kl 19:15
Nú fer öll miðasala fram í gegnum STUBB, miðasala er hafin.
HÓLF 1 STUÐNINGSMENN FYLKIS, eingöngu árskort. Muna að mæta með kortið.
HÓLF 2 STUÐNINGSMENN FYLKIS MIÐJA, sala í gegnum STUBB
HÓLF 3 STUÐNINGSMENN VÍKINGS NORÐURENDI, sala í gegnum STUBB
FYLKIR ÁRBÆJARINS BESTA

Skemmtilegt haust framundan:

MEBA-bikarmót Fylkis 2020

Fylkir mun standa fyrir mótum fyrir yngri flokka á næstu vikum.
Þjálfarar flokka hjá Fylki munu koma með nánari upplýsingar til iðkenda þegar nær dregur 🙂

Leikur á sunnudaginn.
WURTH VÖLLURINN
PEPSÍ MAX KARLA
SUNNUDAGUR KL 17:00
ATH MIÐASALA EINGÖNGU Í GEGNUM STUBB.
EKKI MIÐASALA Á STAÐNUM.
Hólf 1 Árskortshafar + VIP (MÆTA Á LEIK MEÐ ÁRSKORT)
Hólf 2 Stuðningsmenn Fylkis
Hólf 3 Stuðningsmenn FH
Hólf 4 Aukahólf (ekki nota nema uppselt sé í hólf 2 og 3)
FYLKIR ÁRBÆJARINS BESTA

Vegna þeirra Covid takmarkana sem eru í gildi varðandi Norðlingaskóla þá geta foreldrar ekki farið inn í skólann þegar æfingar eru í gangi.  Þess vegna verður æfingin hjá 8kv í fótbotlanum á Fylkisvellinum (úti) mánudaginn 14.september.

 

Komið hefur í ljós í upphafi tímabils hjá yngra árinu í 7ka í fótboltanum að það er rótleysi varðandi tímann sem líður á milli komu frístundavagnsins í Fylkishöll og þar til æfingin hefst. Orri Hrafn sem er einn af þjálfurum flokksins mun héðan í frá taka á móti rútunni og fylgja drengjunum inn í Fylkishöll (klefi 5)  þar sem drengirnir geta hengt af sér fötin, borðað jafnvel smá nesti og geymt skólatöskuna sína. Orri fylgir þeim svo út á völl áður en æfingin hefst.  Vonandi verður þetta til þess að ástandið batni en endilega hafið sambandi við Sigurð þjálfara ef svo verður ekki.

Æfingatímar í september :

Mánudagar –

Yngri (2014) 15:00-16:00 (bara í sept, Egilshöll frá 1.okt kl 16:30)

Þriðjudagar

Yngri (2014) 15:00-16:00

Fimmtudagar

Yngri (2014) 15:00-16:00

 

Guðrún Karítas gengur til liðs við Fylki
Fylkir hefur komist að samkomulagi við Val um félagaskipti Guðrúnar Karítasar Sigurðardóttur til Fylkis. Hefur Guðrún Karítas gert samkomulag við Fylki um að leika með félaginu út tímabilið 2022.
Guðrún Karítas, sem er uppalin á Akranesi, er fædd árið 1996. Hún hefur leikið alls 133 meistaraflokksleiki og skorað í þeim 44 mörk, en á ferli sínum hefur hún spilað með ÍA, Stjörnunni, KR og Val.
Þá á hún að baki 16 leiki og 6 mörk með yngri landsliðum Íslands.
Um leið og við bjóðum Guðrúnu Karítas hjartanlega velkomna til félagsins þá þökkum við Val fyrir góð samskipti og vinnubrögð í kringum félagaskipti leikmannsins.
FYLKIR ÁRBÆJARINS BESTA