,

Stóri dagur hjá Knattspyrnudeild Fylkis

Laugardaginn 2. april s.l. skrifuðu 10 af okkar efnilegustu leikmönnum undir samning við knattspyrnudeildina.
 
Við erum mjög stolt af því að semja við þessa leikmenn sem við teljum að eigi bjarta framtíð hjá okkur í Fylki. Leikmennirnir eru fæddir frá 2007-2004.
 
Leikmennirnir eru frá vinstri; Sævar Snær 2007, Theodór Ingi 2006, Stefán Gísli 2006, Þóroddur 2004, Þorkell 2004, Þórður Ingi 2005, Hlynur Andri 2004, Kolfinna 2006, Elísa Björk 2007 og Guðrún Embla 2006.
 
Til hamingju með nýju samningana !
 
#viðerumÁrbær
/by
,

Helga Guðrún til Fylkis

 

Okkur er sönn ánægja að tilkynna að Helga Guðrún Kristinsdóttir hefur skrifað undir samning við knattspyrnudeild Fylkis út tímabilið 2023.

Helga Guðrún er uppalin hjá Grindavík auk þess sem hún hefur leikið með Stjörnunni en í dag leikur Helga með AO Trikala í Grikklandi og mun klára tímabilið með þeim í toppbaráttunni og kemur í Árbæinn í byrjun maí.

Helga Guðrún hefur leikið 153 meistaraflokksleiki og skorað í þeim 36 mörk og mun koma með mikla reynslu inn í okkar unga og efnilega lið.

Við Fylkismenn getum glaðst yfir þeim tíðindum að semja við leikmenn sem eru staðráðnir í því að hjálpa liðinu upp í deild þeirra bestu!

Velkomin í Árbæinn Helga!.

#viðerumÁrbær

/by
,

Tinna og Sara valdar í lokahóp U-19

Margrét Magnúsdóttir landsliðsþjálfari U19 kvenna, hefur valið landsliðshóp fyrir u-19 ára landslið kvenna sem tekur þátt í milliriðli í undankeppni fyrir EM 2022.
 
Fylkir á tvo fulltrúa í hópnum en það eru þær Sara Dögg Ásþórsdóttir og Tinna Brá Magnúsdóttir.
 
Sara Dögg er öflugur miðjumaður og orðinn algjör lykilmaður í ungum og spennandi meistaraflokk félagsins. Hún var svo valinn efnilegasti leikmaður meistaraflokks kvenna á ný afstöðu tímabili.
 
Tinna er á 18 aldursári og spilaði hún alla leiki Fylkis í Pepsi Max deildinni síðasta sumar. Hún hefur fest sig í sessi sem einn allra efnilegasti markmaður landsins.
 
Ísland er í riðli með Englandi, Wales og Belgíu, en leikið er á Englandi dagana 6.-12. apríl.
 
Við óskum stelpunum til hamingju með valið og hlökkum til að fylgjast með þeim í þessu verkefni.
 
#viðerumÁrbær
/by
,

Happadrætti á herrakvöldi Fylkis 25.mars

Hér fyrir neðan má sjá þau númer sem voru dregin út í happadrættinu sem var á herrakvöldi Fylkis 25.mars.  Vinningshafar geta nálgast vinningana í Fylkishöll frá og með mánudeginum 28.mars.

Vinningaskrá 2022 n
/by
,

Vel heppnað blakmót í Fylkishöll

Laugardaginn 12. mars hélt blakdeild Fylkis sitt árlega hraðmót í blaki. Það leiddu saman hesta sína 19 lið af höfuðborgarsvæðinu í 3 deildum, tveimur kvenna og einni karladeild.
Skemmtileg sérstaða blaksins er að þar geta nánast allir keppt við alla og sérstaklega skemmtilegt var að sjá að þátttakendur voru á öllum aldri en yngsta liðið var drengjalið Aftureldingar úr 3. flokki á meðan elstu þátttakendur fæddust árið 1949 og hefðu því hæglega geta verið langaafar hinna yngstu. Svo skemmtilega vildi til að þessi tvö lið mættust á mótinu og að þessu sinni fóru hinir eldri með sigur af hólmi.
Uppi sem sigurvegarar stóðu lið ÍS í 1. deild kvenna, lið frá Fylki í 2. deild kvenna og svonefndir HKarlar úr Kópavogi í karladeild. Fylki sendi 4 lið til keppni og stóðu þau sig öll með prýði og urðu m.a. í öðru sæti í karladeild og þriðja sæti í fyrstu deild kvenna.
/by
,

Vienna Behnke semur við Fylki

Vienna Behnke semur við Fylki.
Okkur er sönn ánægja að tilkynna að Vienna Behnke hefur skrifað undir samning við knattspyrnudeild Fylkis út keppnistímabilið 2022.
Vienna er mjög reynslumikill vinstri kantmaður, sem hefur spilað 71 leik fyrir Hauka í Lengjudeildinni og skorað í þessum leikjum 32 mörk.
Hún er frábær viðbót við okkar unga og efnilega lið og erum við gríðarlega spennt að fylgjast með henni á vellinum í sumar.
Vienna, velkomin í Árbæinn !
/by
,

Mathias Laursen semur við Fylki

Mathias Laursen til Fylkis
Danski sóknarmaðurinn Mathias Laursen hefur skrifað undir samning við félagið.
Hann æfði með félaginu fyrr á árinu og spilaði leik þar sem hann m.a skoraði og lagði upp.
Mathias kemur frá Danska félaginu Aarhus Fremad þar sem hann lék 75 leiki og skoraði í þeim 35 mörk.
Fylkir bíður Mathias velkominn til félagsins og hlakkar til að sjá hann á vellinum !
/by
, ,

Olgeir ráðinn til Fylkis

Olgeir er Eyjamaður en hefur helst gert garðinn frægan með Breiðablik. Þar var hann í eina liði Blika sem hampað hefur Bikarmeistaratitli 2009 og Íslandsmeistaratitlinum 2010.
Hann spilaði 321 meistaraflokksleik fyrir Breiðablik og skorað í þeim 39 mörk. Hann lék einnig 17 leiki fyrir ÍBV og 22 fyrir Völsung og skorað í þeim 1 mark.
Olgeir var aðstoðarþjálfari hjá meistaraflokki Breiðabliks 2017 og þjálfari 2. flokk Kópavogsliðsins 2017 – 2021.
Samningur Olgeirs við Fylki er 2 ár með möguleika á framlengingu um 1 ár til viðbótar.
Fylkir býður Olgeir velkominn í Árbæinn

Tómas Ingi yfirmaður knattspyrnumála handsalar samning við Olgeir
/by
, , , , , , , ,

Einstakt tækifæri til þess að styðja Fylki

Styrktu Fylki og fáðu skattaafslátt

 

Búið er að samþykkja ný lög sem fela í sér nýja heimild fyrir einstaklinga til að draga allt að 350 þúsund krónur á ári frá skattskyldum tekjum sínum
utan atvinnurekstrar vegna framlaga til almannaheillastarfsemi.

Þá er einnig kveðið á um tvöföldun á hlutfalli sem atvinnurekstraraðilar mega draga frá skattskyldum tekjum vegna slíkra framlaga og fer það úr 0,75% í 1,5%.

Fylkir hefur nú þegar skráð deildir félagsins í almannaheillaskrá hjá fyrirtækjaskrá Skattsins og geta því velunnarar Fylkis skráð sig fyrir styrk.

Nánari upplýsingar á www.rsk.is

 

Ferlið er auðvelt:

1. Þú millifærir styrk að eigin vali á reikning þeirrar deildar sem þú ætlar að styrkja og sendir tölvupóst með nafni, kennitölu, upphæð og greiðsludegi á fylkir@fylkir.is og verður móttökukvittun send til baka.
2. Að almanaksári loknu skilar Fylkir upplýsingum um framlagið til Skattsins sem áritar frádrátt á framtal þitt.

Upplýsingar deilda:

Blakdeild 611094-2649, 0535-14-400493

Knattspyrnudeild 571083-0199, 535-26-80300

Handknattleiksdeild 571083-0519, 0331-26-005805

Fimleikadeild 571083-0359, 0113-26-010817

Körfuknattleiksdeild 480294-2389,  0515-26-480294

Rafíþróttadeild 470820-0200, 0515-26-006496

Karatedeild 530696-2279, 0113-26-001402

Allar upplýsingar veitir Hörður framkvæmdarstjóri félagsins (hordur@fylkir.is)

Nánari upplýsingar á www.rsk.is

/by
,

Vinningsnúmer í Nýárshappadrættinu

Búið er að draga í nýárshappadrætti knattspyrnudeildar 2022 og má sjá niðurstöðuna í meðfylgjandi vinningarskrá.

Þau sem eru með vinningsmiða mega senda tölvupóst á Hörð framkvæmdarstjóra á netfangið hordur@fylkir.is

Nýárshappadrætti Fylkis útdráttur 03.02.2022

 

/by