,

3.Flokkur karla Íslandsmeistarar C-liða

Strákarnir okkar í 3.flokki karla gerðu sér lítið fyrir og urðu um liðna helgi Íslandsmeistarar C-liða eftir frábæran 2-1 sigur á Þór á Wurth vellinum fyrir framan fjölmarga áhorfendur.
 
Stákarnir áttu vægast sagt frábært sumar en þeir sigurðu alla sína leiki á Íslandsmótinu sem er algjörlega stórkoslegur árangur, 14 leikir – 14 sigrar og Íslandsmeistaratiltill.
 
Þjálfarar flokksins eru þeir Steinar Leó Gunnarsson, Kristján Gylfi Guðmundsson & Hrannar Leifsson.
 
Við óskum þessum flotta hópi til hamingju með titilinn og hlökkum til að fylgjast með þeim ná en meiri árangri á vellinum næstu árin !

 
/by
,

Síldarveislan vinsæla verður 17.september

Strákarnir okkar spila mikilvægan leik við ÍBV í úrslitakeppni Bestu deildar karla sunnudaginn 17.sept kl:17:00.

Síldarveislan okkar vinsæla verður haldinfyrir leik og er stuðningsmönnum Fylkisboðið í hana. Hefst hún kl:15:00 í samkomusal Fylkishallar.

Boðið verður upp á nokkrar tegundir af síld ásamt plokkfisk og meðlæti, kaldir drykkir verða til sölu.

Þeir sem mæta í síldarveisluna fá boðsmiða á völlinn í boði knattspyrnudeildar !

/by
,

Golfmót Fylkis – frestun

Síðustu daga hafa veðurspár fyrir Golfmót Fylkis nk föstudag ekki verið lofandi. Við höfum fylgst náið með og verið að vonast eftir því að úr spánum rættist eftir því sem nær drægi.

 

Nú er staðan hins vegar þannig að Veðurstofan er að spá suðvestan 13 – 17 m/s ásamt úrkomu fyrir Þorlákshöfn og nágrenni eftir hádegi á föstudag.

 

Í ljósi þessara aðstæðna neyðumst við því til að slá Golfmóti Fylkis á frest. Við munum klárlega taka upp þráðinn aftur með hækkandi sól á nýju ári.

 

Við þökkum fyrir góðar móttökur og áhugann fyrir þessum nýja viðburði í dagatali Fylkisfólks.

 

Með Fylkiskveðju,

„Golfnefnd Fylkis“

/by
,

Marteinn Geirsson Heiðursgestur á leik Fylkis og HK

Það var okkur Fylkisfólki sannur heiður að bjóða fyrrum þjálfara Fylkis hjartanlega velkominn aftur á Fylkisvöll á leik Fylkis og HK í Bestu deild karla.
 
Martein Geirsson þjálfaði Fylkisliðið á árunum 1986 – 1991, samtals í sex ár og lengst allra þeirra sem þjálfað hafa meistaraflokk Fylkis í gegnum tíðina.
 
Við Fylkisfólk höfum orðið þeirrar gæfu aðnjótandi að margir frábærir þjálfarar hafa starfað fyrir Fylki við þjálfun meistaraflokksliðanna okkar í gegnum tíðina.
 
Án þess að á nokkurn þeirra sé hallað má með sanni segja að Marteinn Geirsson hafi skilað gríðarlega mikilvægu framlagi til Fylkis á árum áður.
 
Marteinn tók við Fylkisliðinu vorið 1986, í því sem þá hét 3ja deild og haustið 1988 var sæti í efstu deild tryggt í fyrsta sinn.
 
Við viljum þakka Marteini kærlega fyrir komuna á völlinn sem og hans frábæra starf sem hann vann með liðið á sínum tíma !
 
#viðerumÁrbær
/by
, ,

Fylkir og Gleðistjarnan undirrita samstarfssamning.

Knattspyrnudeild Fylkis og góðgerðafélagið Gleðistjarnan skrifuðu í gær undir samstarfssamning um Fylkismótin sem haldin eru árlega og eru fyrir iðkendur í 8. – 5 flokki, og munu mótin heita Gleðistjörnumótin.
 
Gleðistjarnan er góðgerðarfélag sem stofnað hefur verið til minningar um Þuríði Örnu Óskarsdóttur sem lést þann 20. mars 2023 eftir rúmlega 18 ára baráttu við heilaæxli sem hún greindist með aðeins tveggja ára gömul.
 
Tilgangur félagsins er að halda uppi minningu Þuríðar með því að gleðja systkini langveikra barna með gleðigjöfum og viðburðum en fjölskylda Þuríðar þekkir það vel hversu mikilvægt það er að finna góðan stuðning samfélagsins á erfiðum tímum.
 
Það voru þau Elvar Örn Þórisson, formaður barna og unglingaráðs Fylkis og Áslaug Ósk Hinriksdóttir formaður Gleðistjörnunnar sem skrifuðu undir samningin í hálfleik á leik Fylkis og KR í meistaraflokki kvenna. Með þeim á myndinni eru þau Theodór Ingi Óskarsson, Hinrik Örn Óskarsson og Jóhanna Ósk Óskarsdóttir systkini Þuríðar, sem öll spila fótbolta með yngri flokkum Fylkis, ásamt stelpum úr yngri flokkum félagsins sem eru á leið á Símamótið um komandi helgi !
 
Við hjá Fylki erum stolt af þessu samstarfi og hlökkum til að sjá spræka krakka taka þátt í Gleðistjörnumótinu 2023!
/by
,

Golfmót Fylkis 2023

Golfmót Fylkis verður haldið á Þorláksvelli í Þorlákshöfn föstudaginn 8. september næstkomandi þar sem ræst verður af öllum teigum 13:30.

Spilað verður punktakeppni með forgjöf í karla og kvennaflokki og verða veitt verðlaun fyrir efstu 3 sætin, ásamt því verða veitt nándarverðlaun og verðlaun fyrir lengsta upphafshögg og fleira skemmtilegt.

Veglegur matur verður svo í boði fyrir keppendur að móti loknu í Fylkishöll og er það innifalið í þátttökugjaldi.

Skráning fer fram hjá viktor@fylkir.is og er takmarkaður fjöldi !

/by
,

Samuel og Ísold komin með svarta beltið í Sportkarate.

Þau Samuel Josh Ramos og Ísold Klara Felixdóttir héldu til Danmerkur í síðustu viku og tóku þar gráðun fyrir svarta beltið í Sportkarate. Þann 17 júni luku þau svo þrekprófi og gráðun, vel var tekið á þeim og þraukuðu þau bæði þrátt fyrir erfiði á köflum og kláruðu beltið með glæsibrag og óskum við þeim til hamingju með þennan frábæra árangur !
 
Það eru því fimm aðilar frá Fylki sem hafa hlotið svartabeltið í Sportkarate og erum við gríðarlega stolt af þeim, en ásamt Samuel og Ísold eru þau Andri Sveinsson, fyrsti íslendingurinn til að fá svarta beltið í Sportkarate en hann æfði og þjálfaði Sportkarate í Fylki í mörg ár, Iveta Ivanova og Ólafur Engilbert Árnason en bæði hafa þau verið valinn Íþróttakona og íþróttakarl Fylkis oftar en einu sinni.
 
Það er ljóst að karatedeild okkar er gríðarlega framarlega á Íslandi og sannast það með árangri sem iðkendur okkar hafa náð undanfarin ár. Við hlökkum til að fylgjast með þessu efnilega fólki halda áfram og ná lengra !
 
#viðerumÁrbær

 

/by
,

Fylkir á flesta fulltrúa í U-21 árs landsliði karla

Davíð Snorri Jónsson hefur valið þá Arnór Gauta Jónsson, Ólaf Kristófer Helgason og Óskar Borgþórsson í U-21 árs landsliði karla sem spilar tvo æfingaleiki ytra í miðjum júní.
 
Fylkir á því flesta fulltrúa í hópnum eða þrjá talsins.
 
Arnór Gauti og Ólafur Kristófer hafa verið viðloðandi U-21 árs landsliðið í undanförnum verkefnum en Óskar er valinn í fyrsta skipti eftir að hafa staðið sig frábærlega fyrir liðið í sumar.
 

Til lukku með valið strákar og við hlökkum til að fylgjast með ykkur !

 
#viðerumÁrbær !
 
 
/by
,

Árskort – tímabundið tilboð til 5. júní 2023

Árskort – tímabundið tilboð til 5. júní 2023
35% afsláttur af fullu verði*
 
Aðsóknin á heimaleiki meistaraflokka Fylkis hefur verið góð á fyrstu vikum tímabilsins og stemmningin frábær.
 
Við viljum þó fjölga enn frekar í stuðningsmannahópnum okkar og bjóðum því árskort á völlinn í sumar á sérstökum vildarkjörum.
 
Með þessu viljum við ekki aðeins styrkja tekjugrunn Knattspyrnudeildar Fylkis og heldur líka fjölga í hópi stuðningsfólks sem sækir Würth völlinn reglulega til að upplifa stórskemmtilegar stundir með liðunum okkar á vellinum í allt sumar.
 
Tilboðsverð:
Bronskort – 13.000
Silfurkort – 22.750
Gullkort – 48.750
Platinum – 71.500
Tekk Stofan – 71.500
/by
,

Söguleg úrslit: Reykjavík sigrar handboltamót Höfuðborgarleikanna í fyrsta skipti !

Tinna María Ómarsdóttir leikmaður 5.flokks kvenna í handbolta hélt út til Finnlands nýlega og tók þar þátt í Höfuðborgarleikunum með liðsfélögum sínum úr Reykjavíkurúrvalinu.
 
Skemmst er frá því að segja að stelpurnar stóðu sig gríðarlega vel og sigurðu mótið með 7 stig úr 4 leikjum og 40 mörk í plús.
 
Tinna stóð sig gríðarlega vel og var lykilmaður í frábærum sigri á Stokkhólmi í loka leik mótsins sem endaði með 22-17 sigri.
 
Til hamingju Tinna og Reykjavík !
 
#viðerumÁrbær
/by