,

Fylkir og Rinat í samstarf

Knattspyrnudeild Fylkis og Rinat á Íslandi hafa gert á milli sín samsstarfssamning um markmannsvörur.

Rinat er mexíkóst merki sem sérhæfir sig í markmannshönskum og öðrum vörum fyrir markmenn. Rinat hefur notið gífurlegra vinsælda frá því að vörur frá merkinu urðu fáanlegar hérlendis vorið 2019.

Markverðir meistaraflokks karla og kvenna munu í sumar spila í hönskum frá Rinat og munu allir markmenn yngri flokka félagsins geta keypt hanska frá merkinu á sérstökum kjörum. 

 

Mikil ánægja er með að samkomulag hafi náðst við Rinat og hlökkum við til að sjá markmenn félagsins bæta og þróa sinn leik í vörum frá merkinu. 

/by
,

Kynningarfundur stefnumótunar knattspyrnudeildar

Kæra Fylkisfólk,
Stjórn Knattspyrnudeildar Fylkis boðar til opins fundar þar sem stefnumótun til ársins 2028 verður kynnt.
Stund: þriðjudaginn 7. mars kl. 20.00 – 21.30
Staður: Fylkishöll, samkomusalur 2. hæð, gengið inn að vestan.
Fyrir hverja: Allt Fylkisfólk sem vill kynna sér stefnu KND
Undirbúningur fyrir stefnumótunarvinnu KND Fylkis til 2028 hófst með viðhorfskönnun sl haust þar sem tæplega 400 einstaklingur svöruðu kallinu og hátt í 1000 ábendingar bárust.
Vinna að stefnumótuninni hefur verið í gangi undanfarna mánuði og nú er komið að því kynna afrakstur þeirrar vinnu.
Við munum einnig kynna möguleika á þátttöku í jákvæðu og uppbyggjandi sjálfboðastarfi deildarinnar.
Skráðu þig á fundinn hér til að við vitum hve mörg mæta
Hlökkum til að sjá ykkur
/by
,

EINSTAKT TÆKIFÆRI TIL ÞESS AÐ STYÐJA FYLKI

Styrktu Fylki og fáðu skattaafslátt

 

Búið er að samþykkja ný lög sem fela í sér nýja heimild fyrir einstaklinga til að draga allt að 350 þúsund krónur á ári frá skattskyldum tekjum sínum
utan atvinnurekstrar vegna framlaga til almannaheillastarfsemi.

Þá er einnig kveðið á um tvöföldun á hlutfalli sem atvinnurekstraraðilar mega draga frá skattskyldum tekjum vegna slíkra framlaga og fer það úr 0,75% í 1,5%.

Fylkir hefur nú þegar skráð deildir félagsins í almannaheillaskrá hjá fyrirtækjaskrá Skattsins og geta því velunnarar Fylkis skráð sig fyrir styrk.

Nánari upplýsingar á www.rsk.is

Ferlið er auðvelt:

1. Þú millifærir styrk að eigin vali á reikning þeirrar deildar sem þú ætlar að styrkja og sendir tölvupóst með nafni, kennitölu, upphæð og greiðsludegi á fylkir@fylkir.is og verður móttökukvittun send til baka.
2. Að almanaksári loknu skilar Fylkir upplýsingum um framlagið til Skattsins sem áritar frádrátt á framtal þitt.

Upplýsingar deilda:

Blakdeild 611094-2649, 0535-14-400493

Knattspyrnudeild 571083-0199, 535-26-80300

Handknattleiksdeild 571083-0519, 0331-26-005805

Fimleikadeild 571083-0359, 0113-26-010817

Körfuknattleiksdeild 480294-2389,  0515-26-480294

Rafíþróttadeild 470820-0200, 0515-26-006496

Karatedeild 530696-2279, 0113-26-001402

Allar upplýsingar veitir Hörður framkvæmdastjóri félagsins (hordur@fylkir.is)

/by
,

Saknar þú fatnaðar ?

Mikið er um óskilamuni hjá okkur í Fylkishöll og værum við mikið til í að koma þeim í hendur á eigendum sínum !
 
Hér að neðan má sjá myndir af hluta af þeim fatnaði sem er í óskilum hjá okkur. Endilega kíkið við í Fylkishöll og farið yfir óskilamuni !
 
 
#viðerumÁrbær
/by
,

Rúnar Páll í skemmtilegu viðtali

 
Rúnar Páll Sigmundsson þjálfari meistaraflokks karla í fótbolta fór í skemmtilegt viðtal við útvarpsþáttinn Fótbolti.net á X977.
 
Þar var farið um víðan völl og meðal annars talað um síðasta tímabil og núverandi tímabil sem er nú komið á fullt. Við hvetjum alla til að hlusta á þetta viðtal til að fræðast meira um liðið,þjálfarann og framtíðina hjá okkur !
 
 
#viðerumÁrbær
/by
,

KNATTSPYRNUDEILD FYLKIS – HÆKKUN ÆFINGAGJALDA

Vegna umræðu á undanförnum dögum um hækkun æfingagjalda vill Knattspynudeild Fylkis koma á framfæri eftirfarandi:

  • Launkostnaður þjálfara hjá Barna- og unglingaráði (BUR) er áætlaður um 67 mkr. á núverandi tímabili.
  • Auk þess er kostnaður vegna keppnisbúninga hjá BUR innfalinn í æfingagjöldum (sem þýðir að foreldrar greiða ekki aukalega fyrir keppnisbúninga til viðbótar æfingagjöldum) og er sá kostnaður áætlaður 5 mkr. á núverandi tímabili.
  • Ýmis annar kostnaður sem einnig ætti að vera dekkaður af æfingagjöldum er áætlaður 5 mkr. Hér er um að ræða mótakostnað, ferðakostnað vegna keppnisleikja (að hluta til), kostnað vegna bolta og annars búnaðar, afreksþjálfun, styrktarþjálfun, dómarakostnað, sjúkrabúnað auk dagpeninga og aksturspeninga til þjálfara.
  • Áætlaðar tekjur af æfingagjöldum vegna iðkenda hjá BUR nema um 62 mkr á núverandi tímabili.
  • Á ofangreindum lykiltölum sést að áætlað er að æfingagjöld hrökkvi fyrir u.þ.b. 80% af kostnaði við rekstri BUR (62 mkr. af 77 mkr.)
  • Til að brúa þetta bil milli gjalda og tekna (u.þ.b. 15 mkr.) hefur BUR með kröftugum hætti komið á fót margskonar fjáröflunum, þar sem hæst ber mót fyrir yngstu flokkana. Þá má einnig nefna happdrætti Knattspyrnudeildar sem BUR fær hlutdeild í.
  • Að ofangreindu er ljóst að æfingagjöld þyrftu að vera enn hærri en nú er til að standa undir kostnaði BUR og/eða að Reykjavíkurborg komi með mun mynduglegri hætti að starfseminni.
  • Þegar bornar eru saman tölur á milli félaga verður að taka tillit til allra þátta því það er ólíkt á milli félaga hvað fellur undir æfingagjöld.

Við viljum taka fram að öll vinna á vegum einstaklinganna sem eiga sæti í BUR sem og stjórn deildarinnar, meistaraflokksráðum karla og kvenna er innt af hendi í sjálfboðavinnu fyrir félagið okkar.

Minnt er á að forráðamönnum gefst tækifæri til að lækka æfingagjöld um 20.000 á móti 8 klst „sjálfboðavinnu“ sem fólgin er í vinnuframlagi t.d. í kringum mót yngri flokka, á viðburðum hjá Fylki o.s.frv.

Við hjá Knattspyrnudeild Fylkis leggjum áherslu á að þróa með jákvæðum hætti starfsemi BUR með ríka áherslu á bæði uppeldis- og afreksstarf Fylkis.

Með ósk um áframhaldandi gott samstarf við foreldra og forráðamenn iðkenda hjá Knattspyrnudeild Fylkis.

Stjórn Knattspyrnudeildar Fylkis

/by
,

Systkini seldu miða með fyrsta vinning

Nýlega var dregið í nýárs happadrætti knattspyrnudeildar og í  fyrsta vinning var glæsilegt málverk eftir Tolla sem metið er á 1.000.000 kr.- og var það miði númer 1138 sem var dreginn.

Systkinin Salim og Anna seldu miðann sem tryggði ömmu þeirra fyrsta vinning í nýárs happadrætti knattspyrnudeildar Fylkis. Við óskum þeim til hamingju með stóra vinningin.

Varst þú svo heppinn að hljóta einn af okkar flottu vinningum ? Vinningaskrána má sjá hér !

Hér má svo sjá Hörð Guðjónsson framkvæmdarstjóra Fylkis afhenta Salim og Önnu málverkið.

/by
,

Ólafur Karl Finsen í Fylki

Okkur er sönn ánægja að tilkynna það að Ólafur Karl Finsen hefur skrifað undir samning við félagið og mun leika með okkur í deild þeirra bestu.
Ólafur hefur leikið 255 KSÍ leiki og skorað í þeim 60 mörk en hann hefur leikið fyrir Stjörnuna,Val og FH á sínum ferli.
Þetta er gríðarlega mikil liðsstyrking og verður gaman að sjá hann í appelsínugulu á þessu tímabili.
Velkominn í Árbæinn Óli
/by
, ,

Vinningsnúmer í Nýárshappadrætti knattspyrnudeildar

Búið er að draga í Nýárshappadrætti knattspyrnudeildar 2023 og má sjá vinningaskrána hér fyrir neðan.

Vinningshafar eru beðnir um að senda póst á happ@fylkir.is

Útdráttur 2023
/by
, ,

Efnilegir leikmenn skrifa undir sína fyrstu samninga !

Knattspyrnudeild Fylkis hefur skrifað undir samninga við unga og efnilega leikmenn félagsins. Allir þessir leikmenn koma úr afreksstarfi félagsins og bindum við miklar vonir við þau í framtíðinni !

Efri röð frá vinstri: Stefán Logi Sigurjónsson (2008), Katla Sigrún Elvarsdóttir (2008), Birta Margrét Gestsdóttir (2008), Eik Elmarsdóttir (2008), Sóley María Björgvinsdóttir (2007) & Daníel Þór Michelsen (2007)

Neðri röð frá vinstri: Guðmar Gauti Sævarsson (2008), Sigrún Helga Halldórsdóttir (2008), Selma Schweitz Ágústsdóttir (2008) & Jóel Baldursson (2007)

 

Á myndina vantar: Ívar Hrafn Atlason (2008)

Við óskum þessum leikmönnum til hamingju með nýja samninginn og hlökkum til að fylgjast með þeim í framtíðinni !

/by