,

Æfingar og sumarnámskeið hefjast aftur á morgun

Öll dagskrá verður með eðlilegum hætti frá og með morgundeginum, þriðjudeginum 30.júní.  Námskeið og æfingar fara af stað en allt féll niður mánudaginn 29.júní þar sem upp kom Covid 19 smit hjá leikmanni meistaraflokks kvenna í knattspyrnu. Þess ber að geta að umræddur leikmaður tengist aðeins liðinu, er ekki þjálfari eða starfsmaður Fylkis.

Búið er að sótthreinsa Fylkishöllina og vallarsvæðið.

Þetta hefur ekki áhrif á leik Fylkis og Gróttu í Pepsi Max deild karla sem fer fram í kvöld kl. 19:15 á Wurth vellinum.

Svo viljum við ítreka til allra okkar félagsmanna að sýna fyllstu aðgát og varfærni og brýnum fyrir félagsmönnum að fylgja tilmælum Almannavarna um tveggja metra fjarlægð, handþvott og aðrar hreinlætisvenjur.

Áfram Fylkir

/by
,

Samstarf Fylkis og Olís heldur áfram.

Samstarf Fylkis og Olís heldur áfram.
Í dag skrifaði knattspyrnudeild Fylkis undir áframhaldandi samstarf við Olís og erum við mjög þakklát fyrir vilja Olís til að starfa áfram með okkar góða félagi.
Við viljum hvetja Fylkisfólk til að versla við þetta góða fyrirtæki. Ef fólk vill tryggja sér betra verð á eldsneyti og fá hjá okkur afsláttarlykil þá vinsamlega verið í sambandi haffisteins@fylkir.is
Fylkir og Olís eru frábær saman.
/by
,

Æfingar í Fylkishöll/Fylkisvelli og knattspyrnunámskeið falla niður á morgun

Í dag kom upp Covid 19 smit hjá leikmanni meistaraflokks kvenna í knattspyrnu. Viðkomandi leikmaður er nú í einangrun og aðrir leikmenn og þjálfarar í sóttkví.

Félagið vinnur málin náið og í góðu samráði við Almannavarnir og KSÍ og standa líkur til þess að næstu tveimur til þremur leikjum kvennaliðs félagsins verði frestað. Mun það skýrast frekar á allra næstu dögum.

Á morgun, mánudaginn 29. júní, falla niður allar æfingar á félagssvæði Fylkis í og við Fylkishöll, þ.e. fótboltaæfingar, handboltaæfingar, knattspyrnuskólinn og tækniskólinn, á meðan verið er að sótthreinsa Fylkishöllina og vallarsvæðið. Við biðjum því alla að fylgja þeim tilmælum að svæðið sé lokað þar til annað verður tilkynnt.

Þetta hefur ekki áhrif á leik Fylkis og Gróttu í Pepsi Max deild karla sem fer fram annað kvöld kl. 19:15 á Wurth vellinum.

Engin röskun verður á öðru skipulögðu starfi fimleikadeildar, karatedeildar og rafíþróttadeildar í Fylkisseli.

Við viljum biðla til allra okkar félagsmanna að sýna fyllstu aðgát og varfærni og brýnum fyrir félagsmönnum að fylgja tilmælum Almannavarna um tveggja metra fjarlægð, handþvott og aðrar hreinlætisvenjur.

/by
,

VINNINGASKRÁ SUMARHAPPDRÆTTI 3. FLOKKS KARLA Í KNATTSPYRNU  2020

Búið er að draga í happdrættinu og hér má sjá vinningsnúmerin.

Hægt er að nálgast vinninga, gegn framvísun vinningsmiða, hjá Valgeir í Hólavaði 29 eftir kl. 18:00 næstu daga.

Einnig er hægt að hafa samband við Valgeir í síma 660-7037 til að finna tíma til að sækja vinning.

/by
,

ÍH – Fylkir í 32 liða úrslitum Mjólkurbikarsins

MJÓLKURBIKAR KARLA
ÍH – Fylkir
Miðvikudagur kl 20:00
Skessan Hafnarfirði
FYLKIR ÁRBÆJARINS BESTA

 

/by
,

EYKT leikurinn

/by
,

KJÖTSMIÐJU-LEIKURINN

KJÖTSMIÐJU-LEIKURINN
FYLKIR – BREIÐABLIK
WURTH VÖLLURINN
Sunnudagur kl 19:15

MINNUM ÁRSKORTSHAFA AÐ SÆKJA KORTIN SÍN Í AFGREIÐSLU FYLKISHALLAR SEM FYRST – KORTIN VERÐA EKKI AFHENT Á LEIKNUM.
Miðasala er hafin í STUBB, endilega tryggið ykkur miða sem fyrst.
Það verða þrjú hólf í stúkunni og er gengið inn í öll hólf í
bakenda stúku, sér inngangur í hvert hólf.
Hólf 1: Suðurendi. Stuðningsmenn Fylkis sem kaupa stakan miða í gegnum STUBB appið.
Hólf 2: Miðja. Árskortshafar Fylkis
Hólf 3: Norðurendi. Stuðningsmenn Breiðabliks sem kaupa stakan miða í gegnum STUBB appið.
Hér er hægt að sækja appið: https://stubbur.app/
Við hvetjum Árbæinga til að koma gangandi á völlinn.
Eins viljum við benda stuðningsfólki Breiðabliks á bílastæði við Árbæjarkirkju, Árbæjarskóla og Rofaborg.
Þeir sem ætla að gera sér glaðan dag í sumar ættu að kíkja til þeirra í Kjötsmiðjunni og tryggja sér það besta á grillið.
Kjötsmiðjan – Fosshálsi 27.
FYLKIR ÁRBÆJARINS BESTA
/by
,

Fylkir meistari eftir sigur á FH

Fylkir varð um helgina fyrsta rafíþróttalið íslands til að tryggja sér stórmeistaramóts titil í Vodafone deildinni í leiknum Counter-Strike: Global Offensive. Fylkir mætti feiknar sterkur liði FH og var spennan fyrir leiknum mikil. Leikar enduðu með 2-0 sigri Fylkismanna eftir 16-11 leik í kortinu Inferno og 16-7 í kortinu Vertigo. Að leik loknum var Eðvarð Þór Heimisson, betur þekktur sem EddezeNN og leikmaður Fylkis, valinn maður mótsins og úrslitaleiksins. Það er óhætt að segja að framtíðin sé björt hjá Rafíþróttadeild Fylkis en þetta var annar stóri titill liðsins á stuttum tíma.

/by
,

Íþróttafélagið Fylkir 53 ára

Í dag 28.maí á Íþróttafélagið okkar afmæli og er 53 ára gamalt en félagið var stofnað 28.maí 1967.  Til hamingju með daginn Fylkisfólk nær og fjær.  Áfram Fylkir!!

/by