,

Styrkur til íþrótta- og tómstundastarfs

Viljum vekja athygli forráðamanna barna í íþróttum að meðal aðgerða stjórnvalda vegna Covid-19 er styrkur sem hægt er að sækja um til sveitarfélaga vegna íþrótta- og tómstundastarfs barna.

Styrkurinn er veittur vegna barna sem eru fædd á árunum 2005–2014 og búa á heimilum þar sem heildartekjur framfærenda, einstaklings,

hjóna eða sambúðarfólks, voru að meðaltali lægri en 740.000 kr. á mánuði á tímabilinu mars–júlí 2020.

https://island.is/styrkur-til-ithrotta-og-tomstundastarfs

/by
,

Æfingar hefjast aftur miðvikudaginn 18.nóvember

Æfingar barna á leik- og grunnskólaaldri verður heimilt jafnt inni og úti frá og með 18.nóvember.  Æfingatöflur vetrarins taka þá gildi í öllum greinum og geta því iðkendur mætt í sína tíma. Í einhverjum tilfellum þarf að skipta upp hópum vegna fjöldatakmarkana og þá munu þjálfarar senda það sérstaklega út til iðkenda.  Einhver seinkun gæti orðið á opnun íþróttahúsa Norðlingaskóla og Árbæjarskóla og munu þjálfarar koma þeim upplýsingum til iðkenda.  Vinsamlegast setjið ykkur í samband við þjálfara hópsins/flokksins ef þið hafið ekki fengið neinar upplýsingar.

Frá ÍSÍ: Uppfærðar reglur um samkomutakmarkanir frá 18. nóvember

Nýjar reglur um samkomutakmarkanir taka gildi 18. nóvember og hafa þær gildistíma til 1. desember. Heilbrigðisráðuneyti hefur birt upplýsingar um reglugerðina, til viðbótar við það sem áður hafði verið birt og m.a. hefur verið ákveðið að grímuskylda eigi ekki við um börn í 5.-7. bekk.

 

Frá miðvikudeginum 18. nóvember gildir því eftirfarandi:

  • Æfingar barna á leik- og grunnskólaaldri f. 2005 og síðar eru heimilar jafnt úti sem inni, það á einnig við um sundæfingar.
  • Ekki þarf að halda sömu hópaskiptingu í íþróttastarfi eins og er í grunnskólastarfi.
  • Fjöldamörk í hverju rými fara eftir reglugerð um takmarkanir á skólastarfi.
  • Leikskólabörn og börn í 1.-4. bekk grunnskóla mega vera 50 saman að hámarki en nemendur í 5.-10. bekk að hámarki 25. saman
  • Grímuskylda þjálfara gildir gagnvart börnum í 8.-10. bekk sé ekki mögulegt að viðhafa 2m fjarlægðarreglu.
  • Börn í 1.-7. bekk eru undanþegin grímuskyldu, sé ekki unnt fyrir börn í 8.-10. bekk að viðhafa 2m fjarlægðarreglu utan æfingasvæðis ber þeim að nota grímu.
/by
,

Æfingar hefjast aftur 18. nóvember

Heilbrigðisráðherra hefur fallist á tillögur sóttvarnalæknis sem fela í sér varfærnar tilslakanir á gildandi samkomutakmörkunum. Breytingarnar taka gildi 18. nóvember. Þær eru helstar að íþrótta-, æskulýðs- og tómstundastarf barna í leik- og grunnskólum verður heimilt á ný. Í framhaldsskólum verða fjöldamörk aukin í 25. Hægt verður að hefja ýmsa þjónustustarfsemi sem krefst snertingar eða mikillar nándar.  Gert er ráð fyrir að hægt verði að draga enn frekar úr samkomutakmörkunum í byrjun desember.

Æfingar, íþróttastarf, æskulýðs- og tómstundastarf barna á leik- og grunnskólaaldri verður heimilt jafnt inni og úti. Til að slíkt starf geti farið fram eru engar takmarkanir settar varðandi blöndun milli hópa. Fjöldamörk í hverju rými fara eftir reglugerð um takmarkanir á skólastarfi. Leikskólabörn og börn í 1.–4. bekk grunnskóla mega vera 50 saman að hámarki en nemendur í 5.–10. bekk að hámarki 25 saman.

Í skólastarfi og íþróttastarfi á framhaldsskólastigi verður heimilt að vera með að hámarki 25 í hverju rými í stað 10 áður en ber að nota andlitsgrímur sé ekki unnt að halda 2 metra fjarlægð.

Breytingar á reglugerðum um takmarkanir á samkomum og skólahaldi vegna farsóttar taka gildi 18. nóvember. Gildistími reglugerðanna er til og með 1. desember næstkomandi.

Nánari upplýsingar um æfingarnar munu þjálfarar senda út til sinna iðkenda fyrir 18.nóvember.

/by
,

Áframhaldandi æfinga- og keppnisbann!!

Áframhaldandi æfinga- og keppnisbann!!
Skilaboð frá ÍSÍ
Nú rétt í þessu lauk blaðamannafundi í Hörpunni þar sem heilbrigðisráðherra tilkynnti um hertar aðgerðir í sóttvörnum frá miðnætti og til 17. nóvember nk. Aðgerðirnar byggja á tilmælum sóttvarnalæknis, eins og fram kemur í reglugerð heilbrigðisráðherra frá því í dag. Íþróttir, þar með talið æfingar og keppni, barna og fullorðinna, hvort sem er innan- eða utandyra, með eða án snertingar, eru óheimilar. Einstaklingsbundnar æfingar, án snertingar, eru heimilar, svo sem útihlaup og sambærileg hreyfing. Sundlaugar verða jafnframt lokaðar á sama tímabili. Þá kemur fram í reglugerðinni að ráðherra getur þó veitt undanþágu fyrir einstaka íþróttaviðburð svo sem alþjóðlega keppnisleiki.
Fjöldatakmarkanir fara úr 20 manns og niður í 10 manns. Einungis börn fædd 2015 og yngri eru undanþegin 2ja metra reglunni, fjöldatakmörkunum og grímuskyldu.
Í ofangreindar aðgerðir er ráðist í kjölfar aukinna smita í samfélaginu og hópsýkinga sem upp hafa komið á höfuðborgarsvæðinu og víðar. Heilbrigðiskerfið í landinu er undir gríðarlegu álagi þessa dagana og er Landspítalinn kominn á neyðarstig. Miðast aðgerðir meðal annars við að minnka álagið svo heilbrigðiskerfið geti mætt þeim aðstæðum sem skapast hafa í faraldrinum.
„Undanfarna mánuði hefur íþróttahreyfingin ýmist verið í vörn eða sókn og í dag þurfum við enn og aftur að bíta á jaxlinn og standa af okkur storminn. Það er erfitt að þurfa að hætta við fyrirætlanir um frekari opnun íþróttastarfs og í staðinn horfa fram á lokun alls íþróttastarfs.
Íþróttahreyfingin er ótrúleg hreyfing. Hún hefur staðið sig frábærlega í þessu erfiða umhverfi sem hún hefur búið við síðustu mánuði. Ég hvet alla sem koma að íþróttastarfinu til að sýna áfram þolinmæði og seiglu sem munu reynast okkur vel í baráttunni við veiruna. Við þurfum, þrátt fyrir farsóttarþreytu, að halda áfram að rækta það frumkvæði og hugmyndaflug sem hreyfingin hefur sýnt þegar kemur að því mæta þeim áskorunum sem við blasa hverju sinni.
Við þurfum öll að standa vörð um íþróttastarfið í landinu og vera meðvituð um mikilvægi íþróttaiðkunar, ekki síst á tímum sem þessum. Gott heilsufar er besta forvörnin gagnvart kórónuveirunni sem og mörgum öðrum sjúkdómum.
Hvetjum hvert annað áfram, sýnum tillitsemi, samstöðu og ábyrga hegðun“, sagði Lárus L. Blöndal forseti ÍSÍ við birtingu nýju reglugerðarinnar í dag.
Reglugerð um samkomutakmarkanir vegna farsóttar: https://www.stjornarradid.is/…/Rg.%20um…
Minnisblað sóttvarnarlæknis má sjá hér: https://www.stjornarradid.is/…/Minnisbla%c3%b0%20a%c3…
Hér má sjá frétt af vef Heilbrigðisráðuneytisins: https://www.stjornarradid.is/…/Hertar…/
/by
,

Æfingar byrja aftur 3.nóvember

Sveitarfélögin á höfuðborgarsvæðinu í samvinnu við ÍSÍ og almannavarnanefnd höfuðborgarsvæðisins
hafa tekið þá ákvörðun um að heimila börnum fædd 2005 og síðar að hefja æfingar í þróttamannvirkjum
á vegum sveitarfélaganna og félaganna frá og með 3. nóvember næstkomandi. Ekki liggur fyrir hvort einhverjar
takmarkanir verði þá í gildi en þjálfarar flokkanna/hópana munu koma upplýsingum til sinna iðkenda og foreldra þeirra fyrir 3.nóvember.

/by
,

Fjölnota Fylkisgrímur til sölu

Komnar eru í sölu fjölnota 3 laga Fylkisgrímur.  Hægt er að panta og fá frekari upplýsingar hjá Elsu í síma 7759078.

/by
,

Áframhaldandi æfinga og keppnisbann til 10.nóv!!

Ný reglugerð heilbrigðisráðuneytisins um takmörkun á samkomu hefur verið birt. Tekur hún gildi 20. október og gildir til 10. nóvember n.k.

Samkvæmt reglugerðinni er sem fyrr í gildi bann við æfingum og keppni sem krefjast snertinga á höfuðborgarsvæðinu. Von er á frekari upplýsingum frá hverju sérsambandi fyrir sig um hvort og þá hvernig sé hægt að halda úti æfingum.  Nýjar upplýsingar um það verða sendar út til iðkenda um leið og þær berast en á meðan eru engar æfingar.

 

/by
,

Fylkishöllin og Fylkisselið lokuð til 1. nóvember

Vegna þeirrar stöðu sem komin er upp varðandi útbreiðslu Covid-19 og að beiðni sóttvarnaryfirvalda þá verða Fylkishöllin og Fylkisselið lokuð  fyrir almenna umferð til 1.nóvember.    Þess ber þó að geta að starfsemi frístundaheimilis Árbæjarskóla í Fylkishöll verður áfram með aðstöðu í Fylkishöll þessa daga eins og áður.  Fyrirspurnir um starfið er hægt að senda á netfangið fylkir@fylkir.is.

/by
,

Allt íþróttastarf fellur niður til 19.október

Framkvæmdastjórn ÍSÍ samþykkti á fundi sínum rétt í þessu að beina því til íþróttahreyfingarinnar á höfuðborgarsvæðinu að fara að tilmælum sóttvarnalæknis og almannavarnadeildar ríkislögreglustjóra. Þar eru þau beðin um að gera hlé á æfingum og keppni í öllum íþróttum frá deginum í dag til 19. október. Jafnframt eru þau beðin um að fresta keppnisferðum út á land.

  • Hvetjum alla á höfuðborgarsvæðinu til að vera eins mikið heimavið og kostur er.
  • Ekki vera á ferðinni til eða frá höfuðborgarsvæðinu nema nauðsyn sé til.
  • Verjum viðkvæma hópa og takmörkum heimsóknir til einstaklinga í áhættuhópum eins og hægt er.
  • Takmörkun fjölda í búðum –einn fari að versla frá heimili ef kostur er.
  • Hvatt er til þess að þeir sem standi fyrir viðburðum á höfuðborgarsvæðinu fresti þeim
  • Klúbbar, kórar, hlaupahópar, hjólahópar og aðrir hópar sem koma saman geri hlé á starfsemi sinni.
  • Allir staðir á höfuðborgarsvæðinu þar sem almenningur á erindi herði allar sínar sóttvarnaraðgerðir, takmarki eins og hægt er fjölda, tryggi að allir geti sótthreinsað hendur við innganga, sótthreinsi snertifleti og gæti vel að hægt sé að virða fjarlægðarmörk
  • Íþróttafélög á höfuðborgarsvæðinu geri hlé á æfingum og keppni í öllum íþróttum.
  • Íþróttafélög á höfuðborgarsvæðinu fresti keppnisferðum út á land.
  • Allir sem finni fyrir hinum minnstu einkennum haldi sig heima, fari í sýnatöku og líti á að þeir séu í einangrun þar til neikvæð niðurstaða úr sýnatöku liggi fyrir.
  • Allir á höfuðborgarsvæðinu og víðar þurfa að koma með okkur í þetta átak og gæta sérstaklega vel að sér næstu vikur.

Jafnframt er bent á að tilmæli um ferðalög til eða frá höfuðborgarsvæðinu ná einnig til iðkenda og annarra þátttakenda í íþróttastarfinu.

Á vef stjórnarráðs Íslands hefur verið birt frétt um COVID-19: Um reglur og tilmæli.

 

/by
,

Hertar sóttvarnaraðgerðir taka gildi

Vegna þeirrar óvissu sem komið hefur upp í dag varðandi æfingar þá viljum við koma eftirfarandi á framfæri.

Beðið er eftir samræmdum reglum og leiðbeiningum frá íþróttaforystunni og er von á þeim fljótlega.  Meðan staðan er þessi þá gætu einstakar æfingar fallið niður og munu þá þjálfarar láta vita af því.

Hvað varðar íþróttastarfsemi félagsins þá gilda eftirfarandi reglur sem heilbrigðisráðherra hefur gefið út.  Reglurnar gilda til 19.október

  • Nálægðarmörk 2 metrar: Nálægðarmörk verða 2 metrar. Það á einnig við í öllum skólum, að undanskildum börnum fæddum 2005 og síðar.
  • Íþróttastarfsemi barna sem eru fædd 2005 og síðar er  Allar æfingar fyrir þennan aldur verða því með óbreyttu sniði.  Beinum því reyndar til foreldra að láta börnin mæta eins mikið tilbúin og hægt er.  Fækkum sameiginlegum snertifletum.  Hér er bæði um að ræða æfinga innan- og utandyra.
  • Hefðbundið íþróttastarf innandyra fyrir iðkendur fædda 2004 og eldri fellur niður og munu þjálfarar vera í sambandi við sína hópa um starfið næstu daga og vikur. Hér er um að ræða æfingar 16 ára og eldri í handbolta, fimleikum, karate, rafíþróttum og blaki.
  • Knattspyrnuæfingar utandyra geta farið fram með hefðbundnum hætti.
  • Hvað varðar keppnisviðburði þá eru allar keppnir bannaðar hjá iðkendum fæddum 2005 og yngri þar sem hætta er á blöndun hópa umfram hefðbundnar æfingar eru óheimilir.
  • Keppni í knattspyrnu utandyra er heimil hjá iðkendum fæddum 2004 og eldri.
  • Nálægðar- og fjöldamörk: Líkt og áður gilda nálægðar- og fjöldamörk ekki um börn fædd 2005 og síðar.
  • Íþróttir utandyra: Íþróttir utandyra eru heimilar en áhorfendur á íþróttaviðburðum utandyra skulu ekki vera fleiri en 20 í hverju rými. Áhorfendur skulu bera grímu og sitja í merktum sætum. Vegna viðburða hjá Fylki þá skal leita upplýsinga um viðkomandi viðburð þar sem einhverjir atburðir verða án áhorfenda.
  • Þess ber þó að geta að einstaka æfingar geta fallið niður næstu daga vegna þessa ástands og munum þjálfarar hópanna þá láta iðkendur vita.

Félagið beinir því til foreldra og stuðningsmanna að fara ekki inn í íþróttamannvirki félagsins nema nauðsyn sé.  Hafið samband í gegnum síma eða tölvupóst (fylkir@fylkir.is) varðandi erindi sem geta ekki beðið.

Það er gríðarlega mikilvægt að við tökum öll þátt í þessu saman og vöndum okkur.

 

/by