Fylkir Þjálfari

Viltu gerast bakhjarl knattspyrnudeildar Fylkis?

Knattspyrnudeild Fylkis leggur mikið upp úr því að bjóða upp á fyrsta flokks uppeldis- og íþróttastarf.  Mikill metnaður er settur faglegt starf og vera með fyrsta flokks þjálfun í öllum flokkum.
Deildin fór m.a. af stað með gríðarlega metnaðarfullt verkefni síðasta haust með æfingum fyrir börn á leikskólaaldri, stutt af öflugu þjálfarateymi sem hefur sannarlega slegið í gegn. Yfir 140 leikskólakrakkar í hverfinu hafa mætt á æfingar á leikskólatíma, tvisvar til þrisvar sinnum í viku í allan vetur og þannig fengið að kynnast skipulögðu íþróttastarfi í vinsælustu íþrótt í heimi. Okkar markmið er að fylgja þessu verkefni eftir og gera enn betur næsta haust.
Því leitum við til stuðningsaðila í hverfinu til að gerast bakhjarlar þar sem margt smátt gerir eitt stórt. Bakhjarl knattspyrnudeildar Fylkis leggur til 10 þúsund kr. framlag með eingreiðslu í heimabanka (skattalegt hagræði með skattaafslætti) og leggur þar með sitt af mörkum til að tryggja öflugt forvarnarstarf og frábæra umgjörð yngri flokka Fylkis sem styður við einkunnarorð félagsins, gleði, virðing, metnaður.
Valkrafa mun birtast í heimabanka og fyrir þá sem fá ekki slíka kröfu senda en vilja styrkja starf knattspyrnudeildar þá er hægt að ganga frá greiðslu með millifærslu.
kt: 571083-0199
Rn: 535-26-80300
/by
Fylkir Þjálfari
,

Aðalfundur Fylkis

Aðalfundur íþróttafélagsins Fylkis verður haldinn fimmtudaginn 28.maí 2026 kl. 19:30 í samkomusal Fylkishallar

Dagskrá:

-Hefðbundin aðalfundarstörf samkvæmt lögum félagsins
-Önnur mál

Aðalstjórn Fylkis

/by
,

Fylkisselið stækkar: Nýr samningur undirritaður

Frá vinstri: Björn Gíslason formaður Fylkis, Heiða Björg Hilmisdóttir borgarstjóri Reykjavíkur, Pétur Freyr Pétursson framkvæmdastjóri Íþöku fasteigna & Pétur Guðmundsson

Reykjavíkurborg og Íþaka fasteignafélag skrifuðu í dag undir nýjan samning um Fylkisselið í Norðlingaholti. Fylkisselið hýsir í dag aðstöðu fimleikadeildar, karatedeildar og rafíþróttadeildar Fylkis.

Samningurinn kveður meðal annars á um stækkun hússins, sem mun bæta aðstöðu iðkenda, þjálfara og starfsfólks til muna. Þá verður aðstaða fyrir áhorfendur einnig verulega bætt, en hún er í dag takmörkuð.

Um er að ræða mikil gleðitíðindi fyrir starfsemina í Fylkisselinu. Auk fyrrnefndra íþróttadeilda fer þar fram starf Betri Borgara Fylkis, þar sem yfir 200 manns á besta aldri koma saman þrisvar í viku til líkamsræktar.

Framkvæmdir við stækkunina hefjast í sumar og er áætlað að þeim ljúki í lok árs 2027.

/by
,

Fylki spáð efsta sæti í Lengjudeildinni

Nú í hádeginu fór fram opinber fundur Lengjudeildarinnar þar sem farið var yfir komandi tímabil og m.a. spá formanna, þjálfara og fyrirliða liða í Lengjudeild karla var kynnt.

Þar var Fylki spáð 1. sæti í deildinni, sem myndi tryggja liðinu beinan aðgang að Bestu deildinni árið 2027 ásamt deildartitlinum.

Vonandi rætist spáin og framundan er skemmtilegt sumar framundan á Tekk vellinum.

Spáin í heild:

  1. Fylkir
  2. Þróttur
  3. Njarðvík
  4. Afturelding
  5. HK
  6. Vestri
  7. Grindavík
  8. ÍR
  9. Leiknir R.
  10. Grótta
  11. Ægir
  12. Völsungur

Fyrsti leikur liðsins fer fram á föstudaginn þegar nýliðar deildarinnar, Ægir, mæta í heimsókn á Tekk völlinn.

/by
Fylkir Þjálfari
,

Aðalfundur körfuknattleiksdeildar

Boðað er til aðalfundar Fylkis körfuboltadeildar.

📅 Dagsetning: Fimmtudagur 30. apríl
🕒 Tími: Kl. 20:00
📍 Staður: Fylkishöll

Dagskrá fundar:

  • Skýrsla stjórnar
  • Kosning stjórnar
  • Ákvörðun um æfingagjöld
  • Önnur mál

Öllum félagsmönnum, iðkendum og áhugafólki um starf deildarinnar er boðið að mæta.

Stjórn Fylkis Körfubolta

/by
,

Máni Austmann áfram í appelsínugulu!

Máni Austmann Hilmarsson hefur framlengt samning sinn við knattspyrnudeild Fylkis og mun leika áfram með okkur út keppnistímabilið 2026 hið minnsta.

Máni kom til Fylkis frá Fjölni á miðju tímabili síðasta sumar og spilaði 8 leiki í Lengjudeildinni, en meiðsli komu í veg fyrir að leikirnir og mínúturnar yrðu fleiri. Nú er Máni hins vegar búinn að jafna sig að fullu, kominn í sitt besta form og hefur heillað þjálfarateymið í fyrstu leikjum ársins.

Á ferlinum hefur Máni leikið samtals 211 meistaraflokksleiki og skorað í þeim 43 mörk, og bindum við miklar vonir við hans framlag á komandi tímabili.

Við hlökkum til að sjá Mána skína í appelsínugulu treyjunni í sumar! 🟠

/by
,

Ísabella Júlía skrifar undir samning við Fylki!

Knattspyrnudeild Fylkis tilkynnir með stolti að Ísabella Júlía Óskarsdóttir hefur skrifað undir samning við Fylki sem gildir út árið 2026.

Við væntum þess að hún eigi eftir að leggja mikið af mörkum til liðsins á komandi tímabili. Ísabella Júlía er markvörður sem hefur þrátt fyrir ungan aldur leikið 95 KSÍ leiki fyrir Völsung, Dalvík og Þór/KA.

Okkur hlakkar mikið til að sjá Ísabellu Júlíu í Fylkisbúningnum á þessu tímabili en þess má geta að hún lék sinn fyrsta leik fyrir félagið þegar hún kom inná sem varamaður á móti Val í Reykjavíkurmótinu.

Gleði – Virðing – Metnaður

/by
,

Eva Stefáns skrifar undir samning við Fylki! 

Knattspyrnudeild Fylkis tilkynnir með stolti að Eva Stefánsdóttir hefur skrifað undir samning við Fylki sem gildir út árið 2026.

Eva lék með Fylki á síðasta tímibili á láni frá Val en hefur nú fengið félagsskipti til Fylkis. Eva hefur þrátt fyrir ungan aldur leikið 97 KSÍ leiki og skorað í þeim 33 mörk.

Við erum mjög ánægð að Eva verði áfram í Fylkisbúningnum á þessu tímabili og væntum þess að hún eigi eftir að leggja mikið af mörkum til liðsins á komandi tímabili.

Gleði – Virðing – Metnaður

/by
,

Karate: Fullorðinsæfingar hefjast 2. Febrúar

Karatedeild Fylkis kynnir nýjung: Fullorðins karate (18+)

Karatedeild Fylkis er að hefja nýjan karatehóp fyrir fullorðna (18+), þar sem áhersla er lögð á hreyfingu við hæfi hvers og eins. Hópurinn er ætlaður bæði byrjendum og lengra komnum, ungum sem eldri, og markmiðið er að bjóða upp á skemmtilegar, fjölbreyttar og krefjandi æfingar.

Fyrsta æfing fer fram mánudaginn 2. febrúar.

Æfingar fara fram í Karatesalnum í Fylkisseli, Norðlingabraut 12 (hægra megin við tjaldið) og verður æft tvisvar í viku:

  • Mánudagar kl. 18:00–19:30
  • Fimmtudagar kl. 17:30–19:00

Á æfingunum verður meðal annars lögð áhersla á:

  • Grunnatriði í karate
  • Styrk, liðleika og þol
  • Skemmtilega leiki og fjölbreytta hreyfingu

Deildin býður upp á frábært kynningartilboð: Fyrstu tvær vikurnar frítt og síðan við skráningu bætast við tvær vikur til viðbótar frítt og að því loknu er önnin á hálfvirði (20.000 kr.)

Eftir að hafa prófað ýmsar íþróttir get ég með sanni sagt að karate sé ein skemmtilegasta og fjölbreyttasta íþrótt sem ég hef æft. Æfingarnar taka á öllum líkamanum og ögra heilanum – það er alltaf hægt að læra eitthvað nýtt.

– Þórey Arna Árnadóttir, iðkandi í fullorðinshópi karatedeildarinnar

Engin krafa er gerð um toppform bara mæta, prófa og hafa gaman.

Nánari upplýsingar veitir Iveta í síma 847-1411, í tölvupósti ivanovaciveta@gmail.com eða hér á Abler.

/by
,

Jólablað Fylkis

Hiða árlega Jólablað Fylkis kom út fyrir jólin og þar er hægt að kynna sér það frábæra starf sem er unnið innan félagsins.

Hér fyrir neðan er hlekkur á blaðið

Jólablað Fylkis 2025

 

/by