Hiða árlega Jólablað Fylkis kom út fyrir jólin og þar er hægt að kynna sér það frábæra starf sem er unnið innan félagsins.
Hér fyrir neðan er hlekkur á blaðið
Hið árlega jólakaffi Fylkis var haldið föstudaginn 19. desember þar sem Íþróttafólk, sjálfboðaliðar, félagsfólk og starfsmenn komu saman og fögnuðu árinu 2025 sem nú er að líða. Vel var mætt á viðburðinn þar sem veitt voru viðurkenningar til Íþróttafólks sem leika undir merkjum félagsins sem þóttu standa framúr á árinu ásamt því voru veitt heiðursverðlaun til félagsfólk og sjálfboðaliða sem hafa lagt gríðarlega vinnu sína fyrir félagið.
Það voru þau Ásgeir Eyþórsson og Signý Lára Bjarnadóttir sem voru útnefnd íþróttakarl og Íþróttakona Fylkis árið 2025 en bæði koma þau frá Knattspyrnudeild Fylkis og spila með meistaraflokkum félagsins. Auk þeirra voru
Saker Nasser frá karatedeild Fylkis en eljusemi hans hefur skilað sér í miklum framförum, en á síðastliðnu ári hefur hann skipað sér sess sem fastamaður í íslenska landsliðinu og tók í ár þátt á Norðurlandameistaramótinu fyrir hönd Íslands.
Þórarinn Gunnar Óskarsson hefur verið lykilleikmaður meistaraflokks karla í körfubolta og verið valinn mikilvægasti leikmaður liðsins öll þrjú árin síðan að liðið var stofnað aftur. Á árinu 2025 hefur Þórarinn spilað stórt hlutverk í því að koma meistaraflokki karla aftur í fyrstu deild.
T.v. Hörður Guðjónsson framkv. stjóri Fylkis, Signý Lára Bjarnadóttir, Eyþór Kolbeinsson (f.h. Ásgeirs), Saker Nasser, Þórarinn Gunnar Óskarsson og Björn Gíslason formaður félagsins
Einnig voru veitt heiðursmerki félagsins.
þar sem Rúnar Geirmundsson var sæmdur heiðurskrossi Fylkis. Rúnar er frumbyggi í Árbænum og því sannur Fylkismaður. Rúnar gegndi formennsku í félaginu á árunum 1998–2002 og starfaði jafnframt sem framkvæmdarstjóri knattspyrnudeildar árið 1991. Hann hefur verið styrktaraðili félagsins um árabil, bæði í gegnum fyrirtæki sitt og sem einstaklingur, og hefur auk þess setið í fjölmörgum nefndum og starfshópum á vegum félagsins síðustu áratugi.
t.v. Hörður Guðjónsson framkv. stjóri Fylkis, Rúnar Geirmundsson 19. Heiðurskrossfélagi Fylkis & Björn Gíslason formaður félagsins
Gullmerki félagsins hlaut svo listamaðurinn Húbert Nói fyrir árangursríkt samstarf í kringum herrakvöld Fylkis síðustu ár
t.v. Hörður framkv. stjóri, Húbert Nói & Björn Gíslason formaður félagsins
-
Ágúst Aron Gunnarsson, liðsstjóri meistaraflokks karla, knattspyrnudeild
-
Atli Már Agnarsson, fulltrúi í meistaraflokksráði kvenna, knattspyrnudeild
-
Elsa Jakobsdóttir, starfsmaður, Íþróttafélagið Fylkir
-
Erik Steinn Halldórsson, starfsmaður, Íþróttafélagið Fylkir
-
Guðrún Inga Sívertssen, stjórnarmaður, handknattleiksdeild
-
Hrönn Vilhjálmsdóttir, stjórnarmaður, handknattleiksdeild
-
Kristján Gylfi Guðmundsson, þjálfari og starfsmaður, knattspyrnudeild
-
Víkingur Sigurðsson, þjálfari, körfuknattleiksdeild
t.v. Hörður framkv. stjóri Fylkis, Ágúst Aron, Atli Már, Elsa Jakobsdóttir, Erik Steinn, Guðrún Inga, Hrönn Vilhjálmsdóttir, Kristján Gylfi, Víkingur Sigurðsson & Björn Gíslason formaður félagsins.
Íþróttafélagið Fylkir heiðraði íþróttafólk sitt fyrir árið 2025, föstudaginn 19. desember, þegar tilkynnt var um val á íþróttafólki ársins hjá félaginu.
Ásgeir Eyþórsson er reynslumesti og leikjahæsti leikmaður í sögu Knattspyrnudeildar Fylkis. Ásgeir hefur leikið allan sinn feril með Fylki og hefur alls spilað 393 leiki fyrir meistaraflokk félagsins, þar af 188 í efstu deild.
Signý Lára er uppalin í Árbænum og gegndi á yfirstöðnu tímabili hlutverki fyrirliða meistaraflokks kvenna í knattspyrnu. Hún var einn af lykilmönnum liðsins og er þekkt fyrir mikinn metnað, óbilandi vinnusemi og að gefast aldrei upp.
Auk þeirra voru Saker Nasser úr Karatedeild Fylkis og Þórarinn Gunnar Óskarsson úr Körfuknattleiksdeild tilnefndir sem íþróttafólk Fylkis árið 2025.
Öll eru þau frábærar fyrirmyndir innan félagsins og óskum við þeim innilega til hamingju með tilnefninguna og þá viðurkenningu sem henni fylgir.
Hörður Guðjónsson framkv. stjóri Fylkis, Signý Lára Bjarnadóttir, Ásgeir Kolbeinsson (f.h. Ásgeirs) og Björn Gíslason formaður félagsins.
T.v. Hörður Guðjónsson framkv. stjóri Fylkis, Signý Lára Bjarnadóttir, Eyþór Kolbeinsson (f.h. Ásgeirs), Saker Nasser, Þórarinn Gunnar Óskarsson og Björn Gíslason formaður félagsins
Frístundavagninn er kominn í jólafrí og byrjar aftur 5.janúar
Kæra félagsfólk, stuðningsmenn, styrktaraðilar, iðkendur og starfsfólk.
Við hjá Íþróttafélaginu Fylki óskum ykkur öllum gleðilegra hátíða og þökkum kærlega fyrir stuðninginn á árinu.
Eins og búast má við verður opnunartíminn hjá okkur í Fylki breyttur yfir hátíðarnar, og má finna nánari upplýsingar hér fyrir neðan.
Opnunartími um jól og áramót 2022
Knattspyrnudeild Fylkis tilkynnir með stolti að Nikulás Val hefur skrifað undir nýjan samning.
Nikulás Val Gunnarsson, sem er öllu Fylkisfólki vel kunnur, hefur skrifað undir nýjan samning við Fylki sem gildir næstu tvö ár, eða hið minnsta út keppnistímabilið 2027. Við væntum þess að hann eigi eftir að leggja mikið af mörkum til liðsins á komandi tímabilum, því hæfileikarnir hér eru óumdeildir.
Nikulás Val hefur spilað 150 leiki fyrir Fylki í meistaraflokki, þar af eru ríflega 70 í efstu deild – og þangað stefnir hann aftur með liðinu. Við hlökkum til að sjá Nikka áfram í Fylkisbúningnum á komandi árum!
Gleði – Virðing – Metnaður
Þriðjudagurinn 29.júlí 08:00 – 16:00
Miðvikudagurinn 30.júlí 08:00 – 16:00
Fimmtudagurinn 31.júlí 08:00 – 16:00
Föstudagurinn 1.ágúst 08:00 – 12:00
Laugardagurinn 2.ágúst Lokað
Sunnudagurinn 3.ágúst Lokað
Mánudagurinn 4.ágúst Lokað
Íþróttafélagið Fylkir og Macron hafa framlengt samstarfssamningi sínum til ársins 2030 fyrir félagið og eftirfarandi deildir.
#blak
#fimleikar
#fótbolti
#handbolti
#karate
#rafíþróttir
Knattspyrnudeild Fylkis hefur samið við Mána Austmann Hilmarsson og kemur hann til félagsins frá Fjölni.
Máni, sem er fæddur 1998, kemur með mikla reynslu í framlínu Fylkis. Hann var m.a. markahæsti leikmaður Fjölnis í Lengjudeildinni á síðasta tímabili með 14 mörk í deild og bikar. Máni hóf meistaraflokksferil sinn hjá Stjörnunni og fór þaðan til unglingaliðs FCK í Kaupmannahöfn en hann hefur m.a. leikið með FH, Leikni, HK og ÍR. Samtals á Máni 193 leiki í meistaraflokki hér á landi og hefur skorað í þeim 41 mark.
Björn Viðar Ásbjörnsson, formaður meistaraflokksráðs Fylkis:
„Máni er öflug viðbót við leikmannahóp Fylkis og við reiknum með honum í hóp 18. júlí á móti Njarðvík, eftir að leikmannaglugginn opnar. Máni er öflugur sóknarmaður sem hefur fyrir löngu sannað sig í þessari deild og það styrkir hópinn að fá hann með okkur í baráttuna um að tryggja okkur aftur upp í efstu deild.“
,,Ég hlakka mikið til að komast aftur á fullt í deildinni. Fylkir er með mjög sterkan leikmannahóp og skemmtilega blöndu af ungum og efnilegum leikmönnum í bland við þrautreynda eldri leikmenn og spennandi þjálfarateymi. Það er sett krafa á liðið að gera alvöru atlögu að því að fara beint upp aftur eftir að hafa fallið úr Bestu deildinni í fyrra og ég held að ég eigi eftir að geta lagt mitt af mörkum í þeirri baráttu.“ var haft eftir Mána við undirskrift
Við bjóðum Mána Austmann hjartanlega velkominn í Árbæinn og hlökkum við til að sjá hann skína í appelsínugulu í sumar!
Íþróttafélagið Fylkir auglýsir eftir starfsmanni í fullt starf sem getur hafið störf 1. september 2025.
Íþróttafélagið Fylkir er hverfisfélag í Árbænum með starfsstöðvar á tveimur stöðum, við Fylkisveg og í Norðlingaholti. Innan félagsins eru starfandi 7 íþróttagreinar með nálægt 2.000 iðkendum.
Helstu verkefni:
Þrif/ræsting á húsnæði félagsins
Störf í afgreiðsla
Skipulag vakta
Aðstoð við innheimtu æfingagjalda
Önnur verkefni
Mikilvægt er að viðkomandi sé með reynslu af þrifum/ræstingum og með góð tök á íslensku. Gerð er krafa um góða hæfni í mannlegum samskiptum, góða þjónustulund og ágætis tölvukunnáttu. Einnig að viðkomandi sé stundvís og með hreint sakavottorð.
Umsóknir skulu sendar á Hörð Guðjónsson framkvæmdastjóri á netfangið hordur@fylkir.is.
Umsóknarfrestur er til 15.júlí 2025.