Laugardaginn 10.desember skrifuðu margir af okkar efnilegustu leikmönnum undir samning við félagið. Það er fagnaðrefni að okkar öfluga yngri flokka starf
skili upp ungum leikmönnum sem eiga framtíðina fyrir sér. Flestir af þessum leikmönnum hafa þegar fengið reynslu með meistaraflokkum félagsins og staðið sig vel.

Frá vinstri:

Aron Örn Þorvarðarson er fæddur árið 2002 og er efnilegur bakvörður sem gekk nýlega upp úr öðrum flokki félagsins.

Erna Þurý Fjölvarsdóttir er fædd árið 2005 og er sóknarmaður sem steig sín fyrstu skref með meistaraflokki í Pepsi Max deildinni á nýliðinu tímabili.

Aron Snær Guðbjörnsson er fæddur árið 2004 og er gríðarlega fjölhæfur leikmaður sem getur leyst flestar stöður aftarlega á vellinum.

Rebekka Rut Harðardóttir er fædd árið 2005 og er gríðarlega efnilegur markmaður sem spilaði stórt hlutverk í öðrum og þriðja flokki félagsins.

Bjarki Steinsen Arnarson er fæddur árið 2005 og spilar aðalega sem sóknarmaður en getur þó leyst fleiri stöður á vellinum. Bjarki var nýlega í æfingarhóp U-17 ára landsliðsins.

Ómar Björn Stefánsson er fæddur árið 2004 og er virkilega efnilegur sókarmaður sem fékk sínar fyrstu mínútur í Pepsi Max deildinni í fyrra.

Helga Valtýsdóttir Thors er fædd árið 2005 og er skapandi miðjumaður sem spilaði sinn fyrsta leiki í efstu deild á nýliðnu tímabili.

Ásberg Arnar Hjaltason er fæddur árið 2005 og er gríðarlega skapandi leikmaður sem getur leyst ýmsar stöður á vellinum. Hann hefur verið í æfingar og keppnishópum fyrir U-17 ára landsliðið undanfarið.

Fylkir fagnar því að ungir leikmenn haldi tryggð við félagið og hlökkum við mikið til í að fylgja þessum efnilegu leikmönnum áfram.

 

Fylkir býður uppá fjölbreytta vetrardagskrá fyrir veturinn 2021/2022.

 

Hér á heimasíðunni finnur þú upplýsingar um æfingatíma og fleira. Skráning í stafið fer fram í gegnum Sportabler

Fylkir bíður öllum iðkendum á aldrinum leikskólaaldri (3-6 ára) að prófa fótbolta frítt til 15 júní. Æfingatíma má finna á auglýsingunni hér að neðan.

 

Fylkir mun í sumar bjóða upp á fjölbreytt sumarnámskeið í samstafi við deildir félagsins. Skráningarhlekkur á námskeiðin eru hér neðst í fréttinni.

 

Knattspyrnuskóli
Knattspyrnuskólinn er fyrir börn á aldrinum 6 – 10 ára og hefur verið starfræktur í fjölmörg ár og er alltaf vel sóttur. Skólastjóri verður Kristján Gylfi Guðmundsson og honum til aðstoðar þjálfarar knattspyrnudeildar.
Gott er að hafa í huga að námskeiðið fer allt fram utandyra og því mikilvægt að taka með sér útifatnað til knattspyrnuiðkunar, klæða sig eftir veðri og koma með nesti (nestistími um kl. 10.30). Grill er svo á föstudögum í lok hvers námskeiðs.


Tækniskóli
Tækniskólinn er fyrir ungmenni á aldrinum 11 – 14 ára (2007 – 2010) sem vilja bæta sig enn frekar í knattspyrnu. Markmiðið með námskeiðinu er að iðkendur bæti enn frekar tæknilega færni og skilning á leiknum. Námskeiðin verða með vikuleg þemu sem eru auglýst síðar. Gott er að hafa í huga að námskeiðið fer allt fram utandyra og því mikilvægt að koma í útifatnaði til knattspyrnuiðkunar og klædd eftir veðri. Grill er svo á föstudögum í lok hvers námskeiðs.

Leikja- og fimleikanámskeið 
Námskeið fyrir börn fædd 2010 – 2015. Mikilvægt er að taka með sér þægilegan innifatnað en farið verður út í leiki ef vel viðrar. Einnig þarf að taka morgunnesti og hádegisnesti, gott að hafa vatnsbrúsa með. Pizzuveisla og Ólympíuleikar í hádeginu á föstudögum.

Boltaskóli
Boltaskóli er fyrir börn fædd 2009 – 2015. Farið verður í fjölbreytta boltaleiki og greinar sem félagið býður upp á kynntar. Boltaskólinn er frábært framhald af öðrum námskeiðum á vegum félagsins. Börn sem eru skráð á knattspyrnuæfingar á meðan námskeiði stendur verða send á þær. Skólastjóri er Viktor Lekve, handboltaþjálfari hjá félaginu og honum til aðstoðar verða iðkendur úr félaginu. Boltaskólinn fer aðalega fram innandyra og því mikilvægt að taka með sér viðeigandi innanhúsfatnað sem hugsaður er til íþróttaiðkunnar, ef viðrar vel verður farið út. Í lok hvers námskeiðs er svo grillveisla.
–Skráning í boltaskólann fer fram undir liðnum “Handbolti“ á hlekknum hér neðst í fréttinni.

Parkour námskeið
Parkour námskeið þar sem kennt verður allt það helsta í Parkour. Mæta þarf í þæginlegum fatnaði og með vatsbrúsa.

Rafíþróttanámskeið
Á námskeiðum rafíþróttadeildar Fylkis spilum við saman tölvuleiki en ásamt því er sprellað og stunduð líkamleg hreyfing. Farið verður yfir mikilvæg undirstöðuatriði rafíþróttaiðkunar sem ýta undir jákvæða og heilbrigða tölvuleikjaspilun. Mæting í íþróttafatnaði með holt nesti og vatnsbrúsa!

Körfuboltanámskeið
3 námskeið fyrir krakka 9 – 12 ára yfir sumartímann. Kennt verður í Fylkishöll frá 9 – 12 alla virka daga. Leiðbeinandi er Bjarni Þórðarson. Hægt verður að velja önnur námskeið með eftir hádegi og er þá veittur afsláttur af þeim.
Námskeiðin eru kennd vikurnar: 21. – 25. júní, 9. – 13. ágúst & 16. – 20. ágúst.

Skráning á öll námskeið fer fram í gegnum Sportabler
Æfingar af stað að nýju fimmtudaginn 15. apríl
Æfinga- og keppnisbann í íþróttum hér á landi verður afnumið á morgun fimmtudaginn 15.apríl og munu æfingar hefjast að nýju samkvæmt æfingatöflum hjá öllum yngri flokkum.
Áfram munum við fylgja sóttvörnum og biðjum við iðkendur. forráðamenn og aðstandendur að virða og framfylgja þeim.
FYLKIR ÁRBÆJARINS BESTA
May be an image of einn eða fleiri, people standing, people playing football og gras
Fylkir og Hringrás í samstarf.
Á föstudag skrifaði Knattspyrnudeild Fylkis undir samstarfssamning við Hringrás ehf og HP gáma. Samningurinn er til tveggja ára og verður Hringrás einn af aðalsamstarfaðilum deildarinnar. Það er mikilvægt fyrir Fylki að tengja sig metnaðarfullum fyrirtækjum og fögnum við vel þessu samstarfi.
Hér neðar sjáum við meira um Hringrás og HP gáma:
Hringrás:
Athafnasvæði Hringrásar er að Klettagörðum 9 í Reykjavík, á Akureyri og Reyðarfirði. Á öllum þessum stöðum er tekið við bílum til förgunar, brotajárni, málmum og spilliefnum. Félagið er einnig með aðstöðu til móttöku víðs vegar um landið. Færanlegar endurvinnslustöðvar Hringrásar gegna lykilhlutverki í þjónustu við bæjarfélög á landsbyggðinni en þannig getur fyrirtækið leyst á hagkvæman hátt margvísleg almenn verkefni á vegum minni bæjarfélaga auk sérstakra niðurrifsverkefna sem upp kunna að koma.
Þegar um er að ræða niðurrifsverkefni eða efni sem þarf að farga er hægt að leita tilboða í verkið hjá Hringrás. Einnig er algengt að fyrirtæki og bæjarfélög geri langtímasamning við Hringrás sem þá sér um að úrgangur safnist ekki upp hjá viðkomandi viðskiptavini. Ef um góð endurseljanleg efni er að ræða getur slík þjónusta gefið nokkrar tekjur af sér fyrir verkkaupa.
HP Gámar:
Starfsstöðvar HP gáma eru í Grindavík, Reykjavík, Akureyri og á Reyðarfirði.
HP gámar er fjölskyldufyrirtæki og hefur þjónustað viðskiptavini sína í 20 ár.
Móðurfélagið Hópsnes var stofnað árið 1965 og rekur einnig HP Flutninga og Hringrás.
HP gámar sinna daglegri sorphirðu hjá fyrirtækjum á höfuðborgarsvæðinu og á Suðurnesjum.
Gámaþjónusta HP gáma nær yfir allt land þar sem við sérhæfum okkur í sorphirðu á hvaða máta sem er.
Það er von okkar hjá Fylki að þetta sé bara byrjunin á löngu samstarfi við þessi fyrirtæki og viljum við endilega biðja Fylkisfólk að kynna sér þjónustu þeirra.
FYLKIR ÁRBÆJARINS BESTA