Handknattleiksdeild Fylkis býður nýjum iðkendum að koma og prófa handbolta frítt í janúar að tilefni HM.
Æfingatöflur og nánari upplýsingar má finna á heimasíðunni www.fylkir.is
Þau Ólafur Kristófer Helgason og Ísold Klara Felixdóttir voru krýnd íþróttakarl og íþróttakona Fylkis við hátíðlega athöfn á gamlársdag !
Ólafur Kristófer Helgason – Fótbolti
Óli átti magnað tímabil og fékk á sig fæst mörk allra í Lengjudeildinni þegar liðið fór upp um deild. Hann var valinn besti leikmaður deildarinnar á Hringbraut sem fjallaði um deildina en var einnig kosinn besti og efnilegasti leikmaður knattspyrnudeildar Fylkis. Þá var hann valinn í U21 ára landsliðið og til vara í A-landslið.
Óli er frábær fyrirmynd fyrir yngri iðkendur félagsins
Ísold Klara Felixdóttir – Karate
Ísold tók þátt í smáþjóðamótinu í Karate sem var haldið í Liechtenstein dagana 23. – 25. September 2022 og vann tvo flokka á mótinu og er því tvöfaldur smáþjóðameistari bæði í -68 kg og -61 kg flokki.
Ísold hefur æft hjá karatedeildinni síðan hún var 11 ára gömul. Ísold er keppnismanneskja hjá Karatedeild Fylkis og lykilþjálfari. Hún er í landsliðiðinu og hefur verið keppnismanneskja í fremstu röð hér á landi undanfarinn ár.
Ísold sér um allt félagstarf innan deildarinnar og gerir það af miklum sóma. Hún er hvers manns hugljúfi sem hvetur okkur hin til að gera betur.
Því miður var Ólafur Kristófer ekki viðstaddur afhendinguna !
Við óskum þeim til hamingju með valið !
Herrakvöld Fylkis verður haldið föstudaginn 20. janúar 2023 í Fylkishöll.
Veislustjórn verður í fumlausum höndum Gísla Einarssonar fjölmiðlamanns.
Ræðumaður kvöldsins verður Víðir Reynisson. Jóhann Alfreð og Jakob Birgisson sjá til þess að allir skemmti sér vel.
Húsið opnar kl. 18:30.
Glæsilegar veitingar; Þorramatur og Lambasteik
Happdrætti og málverkauppboð verður á sínum stað.
Fjölmennum á skemmtilegt og glæsilegt Herrakvöld með góðum vinum og Fylkismönnum.
Miðasala fer fram á tix.is
Verð aðeins kr. 11.900.
Meistaraflokkur kvenna í handbolta sækir og fargar jólatrjám í póstnúmeri 110 þann 7. janúar 2023, sem hluti af fjáröflun fyrir flokkinn.
Förgun fyrir hvert tré kostar 3000 krónur. Samhliða skráningu þarf að leggja inn á reikning 0331-26-5805, kt 571083-0519 og senda kvittun á fylkir@fylkir.is með heimilisfang sem tilvísun.
Athugið að tekið verður við skráningum til kl 22.00 þann 6. janúar og verður ekki hægt að panta förgun eftir það. Við verðum líka snemma á ferðinni laugardaginn 7. janúar.
Skráning fer fram á linknum hér að neðan !
Deildirnar innan félagsins hafa tilkynnt sína fulltrúa í valið á Íþróttafólki ársins fyrir árið 2022.
Íþróttafólk Fylkis verður svo valið í áramótakaffinu okkar þann 31.des 2022.
Fylkissvæðið, og raunar allt Árbæjarhverfið, iðaði af mannlífi um helgina 16. og 17. október þegar Barna- og unglingaráð Knattspyrnudeildar Fylkis (BUR) stóð fyrir Mjólkurbikarmóti yngri flokka. Alls tóku meira en 200 lið iðkenda úr 7. flokkum og 6. flokkum drengja og stúlkna þátt. Spilað var á 14 völlum þar sem við nýttum aðalvöllinn og grasvöllinn til að koma þessu öllu saman fyrir. Spilað var sleitulaust milli 9 og 17 bæði laugardag og sunnudag og skemmst er frá því að segja að framkvæmdin tókst gríðarlega vel. Alls tóku u.þ.b. 1500 iðkendur þátt um helgina og foreldrar fylgdu sem skýrir af hverju hvergi var löglegt bílastæði að finna í nágrenni Fylkissvæðisins.
Vissulega hefðum við þegið örlítið hagstæðara veður en allt gekk þetta þó vel fyrir sig og leikgleðin hreinlega skein af andlitum þátttakendanna.
Fyrstu helgina í október var haldið annað hliðstætt mót og þá var um að ræða 5. flokk karla og kvenna. Það mót gekk líka mjög vel með þátttöku u.þ.b 800 iðkenda. Núna í október mánuði höfum við þannig alls tekið á móti u.þ.b 2300 þátttakendum og líklega um 5000 forráðamönnum og það er trú okkar að með þessum mótum séum við búin að byggja grunn að fleiri mótum af sama toga á næstu árum. Hér er á ferðinni nýtt verkefni sem fór fyrst af stað fyrir 2 árum, Covid hafði svo sín áhrif en nú erum við komin vel á kortið aftur með þetta nýja framtak sem bæði hefur gríðarlega mikið félagslegt gildi fyrir Fylki auk þess að skila mikilvægum tekjum.
Þessi mót eru í raun risavaxin verkefni sem BUR hefur leitt en framkvæmdin gekk vel þar sem gríðarlega vel var að undirbúningi staðið. Sjálfboðaliðar á vegum BUR, foreldraráða, starfsmenn Fylkis og viðeigandi þjálfarar hafa skilað frábæru starfi á þessum mótum bæði í undirbúningnum og við framkvæmdina sjálfa. Bestu þakkir til allra þeirra sem gera svona verkefni möguleg.
Knattspyrnudeild Fylkis hefur gengið frá samning til 2024 við Michael John Kingdon um að sjá um leikgreiningar hjá meistaraflokkum félagsins ásamt því að koma að leikgreiningum hjá yngri flokkum í samráði við þjálfara þar.
Michael hefur síðustu 2 tímabil þjálfað 2.flokk karla og mun halda því áfram með fram nýja starfinu. Síðastliðið sumar sá hann um leikgreiningar hjá meistaraflokki karla sem tryggði sér sigur í Lengjudeildinni. Hann hefur sérhæft sig í performance analysis en hann hefur einnig verið að leikgreina fyrir yngri landslið Íslands.
Við fögnum því að vera fyrsta félagið á Íslandi til að ráða mann í stóra stöðu við leikgreiningar og teljum við þetta vera stórt skref í átt að frekari þróun knattspyrnunnar hjá Fylki.
#viðerumÁrbær
Tómas Ingi Tómasson yfirmaður knattspyrnumála hjá Fylki og Michael John
Knattspyrnudeild Fylkis hefur samið við Gunnar Magnús Jónsson sem aðalþjálfara, Sonný Láru Þráinsdóttir aðstoðarþjálfara, Bjarna Þórð Halldórsson markmannsþjálfara, Michael John Kingdon leikgreinanda, Ingvar Guðfinnson styrktarþjálfara og Tinnu Björk Birgisdóttir sjúkraþjálfara.
Gunnar Magnús er Keflvíkingur í húð og hár og hefur stýrt kvennaliði Keflavíkur síðan 2016 auk þess að hafa þjálfað meistaraflokk karla í Keflavík og Njarðvík, kvennalið Grindavíkur og yngri flokka Keflavíkur. Gunnar hefur stjórnað 225 leikjum hjá meistaraflokki kvenna í gegnum tíðina. Reynslumikill þjálfari sem verður gaman að fylgjast með.
Sonný Lára er einn reynslumesti markmaður landsins en hefur hún spilaði 410 leiki fyrir Breiðablik og Fjölni og vann 3 Íslandsmeistaratitla auk 2 bikarmeistaratitla með Breiðablik. Auk þess að hafa verið fastamaður í A landsliðs hópi Íslands. Gaman er að segja frá því að hún skoraði 9 mörk á sínum ferli.
Bjarni Þórður er uppalinn í Fylki og hefur spilað 336 leiki með Fylki, Víking, Stjörnunni og Aftureldingu auk þess að hafa spilað 8 landsleiki með U21 landsliði Íslands.
Michael John er uppalin í Fylki og hefur þjálfað yngri flokka Fylkis síðustu ár. Mike sá um leikgreiningar fyrir meistaraflokk karla síðasta sumar auk þess sem, hann sér um leikgreiningar fyrir U19 ára landslið Íslands.
Ingvar Guðfinnson hefur verið hjá Fylki síðan 2015 og séð um styrktarþjálfun. Ingvar hefur komið víða við á ferlinum en m.a. var Ingvar alþjóðlegur aðstoðardómari og flaggaði í stórum leikjum meðal annars hjá Liverpool og Enska landsliðinu. Ingvar var einnig leikmaður en hann spilaði með Tindastól.
Tinna Björk er menntaður sjúkraþjálfari, uppalin í Kópavoginum og spilaði 107 KSí leiki með Breiðablik, Fram, Aftureldingu og var hluti af Fylkisliðinu sem sigraði Lengjudeildina 2017.
Samningur þeirra er til tveggja ára og eru miklar vonir bundar við samstarfið
Knattspyrnudeild Fylkis fagnar þessum ráðningum og erum við öll gríðarlega spennt fyrir komandi tímabili.
Það er og hefur verið mikið um að vera hjá part af landsliðsfólkinu okkar.
Guðmar Gauti og Stefán Logi fóru fyrir Íslands hönd til Slóveníu þar sem þeir tóku þátt í 4 þjóða móti U-15 ára landsliða. Skemmst er frá því að segja að liðið og strákarnir stóðu sig gríðarlega vel og sigurðu alla sína leiki gegn N-Írlandi,Lúxemborg og Slóveníu. Þeir tóku báðir þátt í öllum leikjum og var Guðmar m.a fyrirliði í örðum leik liðsins. Strákarnir stóðu sig gríðarlega vel á mótinu !
Stefán Gísli hefur verið valinn til þátttöku í undankeppni EM undir 17 ára landsliða en hún fer fram í Norður Makedoníu. Stefán var lykilmaður í 3.flokki félagsins síðastliðið sumar ásamt því að spila stórt hlutverk með 2.flokki félagsins. Stefán hefur verið fasta maður í hópnum undanfarið !
Elísa Björk og Nína hafa verið valdar í æfingarúrtak fyrir u-16 ára landslið kvenna. Þær hafa báðar verið lykilmenn í 3.flokki félagsins ásamt því að vera í hlutverki hjá meistaraflokki félagsins. Þær hafa báðar verið áður í úrtökum hjá sama aldri !
Sara Dögg og Tinna Brá voru fyrr í þessum mánuði valdar til æfingarhóp u-19 ára landsliðs kvenna. Þær eru algjörir lykilmenn í meistaraflokki okkar og var Tinna m.a valinn besti leikmaður Fylkis á tímabilinu. Þær eru báðar fastamenn í úrtökum hjá þessum aldri !
Við fögnum því þegar starfið okkar fær þessa frábæru viðurkenningu og hlökkum til að fylgjast með þeim í framtíðinni !