Víðir Sigurðsson skrifar sögu Fylkis í 60 ár

Gengið hefur verið frá samningi við Víði Sigurðsson um gerð 60 ára sögu félagsins. Vinnan hófst reyndar fyrir nokkrum árum þar sem Kjartan Gunnar Kjartansson sagnfræðingur hélt um pennan en nú mun Víðir taka við keflinu og klára verkið. Kjartani Gunnari eru færðar bestu þakkir fyrir sitt framlag.

Víðir mun hefja störf 1.júlí og er áætlað að bókin komi út fyrir 60 ára afmæli félagsins sem verður 28.maí 2027.
Meðfylgjandi mynd er af Víði Sigurðssyni og Birni Gíslasyni við undirskrift samningsins.

Þeir félagsmenn sem luma á skemmtilegu efni eða myndum sem gætu átt erindi í bókina eru beðnir um að hafa sambandi við skrifstofu Fylkis eða senda tölvupóst á fylkir@fylkir.is.