Guðmar Gauti á reynslu hjá Lyngby

Guðmar Gauti Sævarsson leikmaður Fylkis hefur verið við æfingar hjá unglingaliðum Lyngby (U17 og U19) í þessari viku.

Guðmar átti stórleik með U-17 ára liði Lyngby á þriðjudag 1-1 gegn Nordsjælland en Guðmar Gauti átti stoðsendingu í marki Lyngby.

Guðmar sem hefur farið á kostum með U-17 ára landsliði Íslands að undanförnu og skoraði meðal annars bæði gegn Norður Makedóníu og Eistlandi í undankeppni EM 2025 er spennandi leikmaður sem gaman verður að fylgjast með áfram.